اقمولا وبلىسىنىڭ اكىمى پوليتسيا قىزمەتكەرلەرىنە جاڭا اۆتوكولىك كىلتىن تابىستادى - فوتو

كوكشەتاۋ. قازاقپارات - كوكشەتاۋ قالاسىندا ءوتىپ جاتقان ەكى كۇندىك سەمنار- جينالىس اياسىندا اقمولا وبلىسىنىڭ اكىمى سەرگەي كۋلاگين جەرگىلىكتى پوليتسيا قىزمەتى قىزمەتكەرلەرىنە 62 جاڭا قىزمەتتىك اۆتوكولىكتىڭ كىلتىن تابىستادى.

ەكى اۆتوكولىك «ۇزدىك قۇرىلىمدىق بولىمشە پوليتسەيى» جانە «ۇزدىك ۋچاسكەلىك ينسپەكتور» بايقاۋلارىنىڭ جەڭىمپازدارىنا بەرىلدى، دەپ حابارلايدى اقمولا وبلىستىق اكىمدىگىنىڭ باسپا ءسوز قىزمەتى.

ءوڭىر باسشىسى اتاپ وتكەندەي، جول قاۋىپسىزدىگى مەن قوعامدىق ءتارتىپ ساقتاۋ بويىنشا ءتيىستى مىندەتتەردى ورىنداۋ ءۇشىن اقمولا وبلىسى جەرگىلىكتى پوليتسيا قىزمەتىنە 62 قىزمەتتىك اۆتوكولىك الۋ ءۇشىن بيىلعى وبلىستىق بيۋدجەتتەن 300 ميلليون تەڭگەدەن استام قاراجات بولىنگەن.

«2016 -جىلى ماتەريالدىق- تەحنيكالىق بازانى كوتەرۋ ءۇشىن 500 ميلليون تەڭگە ءبولىندى. بارلىق قۇرىلىم ءوزارا تىعىز جۇمىس ىستەۋى كەرەك. ەلدى مەكەندەردە ءتارتىپ ورناتۋعا ارتىلعان جاۋاپكەرشىلىك تە وتە ماڭىزدى. ماتەريالدىق- تەحنيكالىق بازانى جاقسارتۋعا تىرىسامىز»، - دەدى سەرگەي كۋلاگين.