اتىراۋ وبلىسىنداعى سيىرلاردىڭ جاپپاي قىرىلۋ سەبەپتەرى اتالدى
«بۇل ۆيرۋس بىزگە رەسەي فەدەراتسياسىنان كەلدى، بۇدان بۇرىن اۋرۋدىڭ وشاقتارى شەشەنستان، داعىستان، ستاۆروپولدە انىقتالعان ەدى. مال اۋرۋىنىڭ بۇل ءتۇرى افريكالىق كونتينەنتكە ءتان، ۇشاتىن جاندىكتەر ونى تاسىمالدايدى. بۇگىندە 2043 مال اتالعان اۋرۋدى جۇقتىرعان، 51 مال ءولىپ، 343 ى انتيبيوتيك كومەگىمەن ەمدەلدى. ەندى اۋرۋدىڭ سەبەبى مەن ەمدەۋ جولدارىن بىلەمىز. قالعان مالدى امان ساقتاپ قالۋ ءۇشىن ماماندار قاجەتتى پروتسەدۋرالاردى جاساۋدا. بيۋدجەتتەن بولىنگەن قاراجاتقا ۆاكتسينالار مەن دارىلەر الىندى»، - دەپ حابارلادى وبلىستىق اكىمدىكتىڭ باسپا ءسوز قىزمەتى وبلىس اكىمىنىڭ ورىنباسارى ءسالىمجان ناقپايەۆقا سىلتەمە جاساپ.
ايتا كەتەيىك، بىرنەشە كۇن بۇرىن اتىراۋ وبلىسىنىڭ قۇرمانعازى جانە يساتاي اۋداندارىندا ونداعان سيىر ءولىپ، ماماندار سەبەبىن انىقتاي الماعان ەدى. الايدا اتالعان اۋداندارعا كارانتين ەنگىزىلگەن جوق.
