ماحابباتتارىنىڭ عۇمىرى قىسقا بولعان قازاقستاندىق جۇلدىزدار - فوتو

استانا. قازاقپارات - قازاقستاندىق شوۋ بيزنەستە كوڭىل جاراستىرىپ، ارتىنشا ايىرىلىسقان جۇلدىزدار وتە كوپ.

قوس عاشىقتىڭ ەكەۋى دە تانىمال بولعاندىقتان، ادەتتە بۇل ايىرىلۋسۋلار جۇرت نازارىندا بولادى. ولاي بولسا، ماحابباتتارىنىڭ عۇمىرى قىسقا بولعان جۇلدىزدى جۇپتاردى ەسكە الىپ كورەيىك.

 

اسحات سادىرباي مەن ەركە ەسماحان

تەلەجۇرگىزۋشى اسحات سادىرباي مەن ءانشى ەركە ەسماحان 2011 -جىلى نەكەلەرىن زاڭداستىرىپ، وتباسىن قۇرعان بولاتىن. جاستار ەركە «ىڭكار» توبىنىڭ قۇرامىندا ءان سالىپ جۇرگەندە-اق تانىسقان. اراعا ءبىر اي سالىپ اسحات ەركەگە ۇسىنىس جاسايدى. جۇلدىزدى جۇپ ۇيلەنۋ تويلارىن دۇركىرەتىپ اتاپ وتەدى. ءبىراز ۋاقىتتان كەيىن دۇنيەگە ءمۇسلىم ەسىمدى ۇلدارى كەلەدى. تاعى دا ءبىراز ۋاقىت وتكەن سوڭ ەكەۋى دە ايىرىلىسۋ تۋرالى شەشىم قابىلدايدى.

«اسحات اجىراسقان كەزىمىزدە بار سىيلىعىن تۇگەندەپ الىپ قالدى. سىرعا، ساقينا مەندە ونىڭ ەشقانداي زاتى قالمادى. مىنەزى سونداي. مەنەن كەيىن ءبىر ۇيلەنىپ اجىراستى. سول كەزدە قايتا قوسىلۋعا دا كەلگەن. مەن ەشتەڭە شىقپايتىنىن ءتۇسىنىپ كەلىسپەدىم. ەندى وعان «مايدالىقتى» قويۋ كەرەك دەپ كەڭەس بەرەمىن. ەر مىنەزدى، ءىرى بولسا وسى وتباسى ساقتالادى دەپ ويلايمىن»، -  دەيدى ەركە ەسماحان «سىرلاسۋ» باعدارلاماسىنا بەرگەن سۇحباتىندا.

 

جاندوس ايباسوۆ پەن ايسۇلۋ ازىمبايەۆا

اكتەرلەر جاندوس ايباسوۆ پەن ايسۇلۋ ازىمبايەۆا قازاقستاندىق شوۋ بيزنەستىڭ ەڭ جاراسىمدى جۇپتارىنىڭ ءبىرى بولعان. ولاردىڭ تاڭداۋلارىندا عانا ەمەس، سىرتقى كەلبەتتەرىندە دە ۇقساستىق بولاتىن. ءتىپتى Mysterions توبىنىڭ بەينەبايانىنا بىرگە تۇسكەن بولاتىن. جۇرت توي بولاتىنىنا سەنىمدى ءجۇردى.

بۇل جاعداي تۋرالى جاندوس سۇحباتتارىنىڭ بىرىندە ايتىپ وتكەن بولاتىن. «ارامىزدا تۇسىنبەستىك ورنادى. ءبىز ارى قاراي قارىم- قاتىناسىمىزدىڭ دۇرىس وربىمەيتىنىن تۇسىندىك. وكىنىشتى. سەبەبى، ءبىزدى كوپ نارسە بايلانىستىرعان ەدى»، - دەيدى ول. ءدال ءقازىر اكتەر سۋرەتشى مارينا كارپىكوۆامەن كەزدەسىپ ءجۇر. ال ايسۇلۋ جەكە ءومىرى جايلى ايتپاۋدى ءجون كورەدى. دەسە دە، جۇرت ونى ارىپتەسى شىڭعىس كاپينگە قوسىپ ءجۇر.

 

بيبىگۇل اقتان مەن شەرالى

ولار «ارتىق اڭگىمەسىز» اتتى تەلەحيكايادا عاشىقتاردىڭ ءرولىن سومداعان بولاتىن. وسىدان كەيىن كوڭىل جاراستىرىپ، شەتەلدە بىرگە دەمالدى. ينستاگرام جەلىسىندەگى پاراقشالارىندا كۇندەلىكتى جاڭالىقتارىن ءبولىسىپ وتىردى. ءبىر- بىرلەرىن قالاي جاقسى كورەتىندەرى تۋرالى دا ءتۇرلى جازبا جازدى. الايدا ۋاقىت وتە كەلە جۇلدىزدى جۇپ ايىرىلىسۋ تۋرالى شەشىم قابىلدايدى.

بۇعان نە نارسە سەبەپ بولعانى وسى كۇنگە دەيىن بەلگىسىز. «مەنەن «بيبىگۇل ەكەۋىڭ كەزدەسىپ جۇرسىڭدەر مە؟» دەپ سۇرايدى. مەن ارامىزدا سەزىم بولعانىن جاسىرمايمىن. ءبىراق ءدال قازىر ءبىز كەزدەسىپ جۇرگەن جوقپىز»، - دەيدى شەرالى. كوپ ادام بيبيگۇلدىڭ شاتاق مىنەزى سەبەپ بولدى دەپ بولجاۋدا. مۇنىمەن قاتار، اكتريسا بىرنەشە جىل بۇرىن يۆان بۋرميستروۆ ەسىمدى رەسەيلىك ازاماتقا تۇرمىسقا شىققان بولاتىن. زاڭدى تۇردە ايىرىلىسىپ كەتسە كەرەك، بۇگىندە ول جالعىز ءجۇر.

 

نۇرجان كەرمەنبايەۆ پەن جانار حاميتوۆا

وتاندىق SuperStar جوباسى اياقتالعان سوڭ نۇرجان كەرمەنبايەۆ پەن جانار حاميتوۆا «ارناۋ» توبىنىڭ قۇرامىندا ونەر كورسەتتى. باستاپقىدا پروديۋسەر دۋەتتىڭ اراسىنداعى ماحاببات وتى جاقسى پيار بولادى دەپ ويلاعان. ارتىنشا ەكى ءانشى دە شىن عاشىق بولعاندارىن سەزىپ، كوڭىل جاراستىرعان. حالىق توي بولادى دەپ كۇتكەن-دى. الايدا جۇلدىزدى جۇپ كوپ ۇزاماي ايىرىلىسىپ كەتەدى. جانار حاميتوۆا توپتان كەتىپ، ونى سالتانات باقايەۆا الماستىرادى. بۇگىندە جانار شوۋ بيزنەس الەمىنەن كەتكەن، ال نۇرجان بىلتىر ۇيلەنىپ، وتباسىن قۇردى. ءبىر ۇلى بار.

 

يۆان برەۋسوۆ پەن ءدىلناز احماديەۆا

ولار كوپ جىل بۇرىن كەزدەسكەن. قارىم- قاتىناستارى 4 جىلعا سوزىلىپ، ۇيلەنۋ تويلارىن جوسپارلاعان بولاتىن. ءبىراز ۋاقىت وتكەن سوڭ ەكەۋى دە ءبىر- بىرلەرىنە ساي كەلمەيتىنىن تۇسىنگەن. «ءيا، يۆان ەكەۋىمىز ايىرىلىستىق. الايدا وسى كۇنگە دەيىن جاقسى دوس بولىپ سىرلاسامىز» دەيدى ءدىلناز احماديەۆا سۇحباتتارىنىڭ بىرىندە. يۆان برەۋسوۆ «بيونيك» توبىنىڭ ەكس سوليسىمەن كوڭىل جاراستىرىپ، بىلتىر اكە اتانىپ ۇلگەردى.

ال ءدىلناز كۇيەۋىمەن اجىراستى. ازىرگە جاڭا سۇيىكتىسىن ەشكىمگە كورسەتپەي ءجۇر. جۇرت ءبىر كەزدەرى يۆان مەن ماقپال يسابەكوۆانى دا قوسقان بولاتىن. الايدا بۇگىندە ۇشەۋى دە دوس بولىپ قالۋدى ۇيعارعان.

 

تۋرال ەۆەرەست پەن كاريما مۇتىرعانوۆا

ءانشى تۋرال مەن مۇرات مۇتىرعانوۆتىڭ قارىم- قاتىناسى ۇزاققا سوزىلمادى. دەسە دە، جۇرت ولاردى ءجىتى باقىلاپ ءجۇردى. قوس عاشىق دەنەلەرىنە بىردەي تاتۋيروۆكا دا سالدىرىپ ۇلگەرگەن بولاتىن. ايىرىلىسقان سوڭ كاريما تاتۋروۆكاسىنىڭ جان- جاعىنا ويۋلار قوستىرىپ، ونى بايقاتپاۋعا تىرىسقان. ولاردىڭ نە سەبەپتى ايىرىلىسقانى بەلگىسىز. ءدال قازىر تۋرال Altyn Girls توبىنىڭ بۇرىنعى انشىسىمەن كەزدەسىپ ءجۇر. مۇنىمەن قاتار، مۇرات مۇتىرعانوۆپەن دە قارىم- قاتىناسى ويداعىداي.

 

ايگۇل - ءسابيت - التىناي

جۇر ءالى كۇنگە دەيىن ايگۇل مەن ءسابيتتىڭ نەكەلەسىپ، ارتىنشا اجىراسىپ كەتكەندەرى تۋرالى ءجيى ايتادى. ءسابيت كوپ جىل بويى ءوزىنىڭ ايگۇلدەن تۋعان بالاسىمەن ارالاسپاعان ەكەن. ارتىنشا ايگۇل بالاسىنا اكەسى تۋرالى ايتىپ، ارالاسۋلارىنا رۇقسات بەرگەن. ءتىپتى، اكتريسا وتاندىق باعدارلامالاردىڭ بىرىندە اكەسىنىڭ ۇلىن ماقتاپ، ونىڭ تەكتى جەردىڭ ۇرپاعى ەكەنىن ايتقان بولاتىن.

ەندى جۇرت ايگۇل مەن ءسابيت تۋرالى ەمەس، كەيىنگىسى مەن التىناي ەكەۋىنىڭ قارىم-قاتىناسى تۋرالى ايتىپ جاتىر. جەلى قولدانۋشىلارى ولاردى اجىراسىپ كەتتى دەپ بولجاعان. سەبەبى، التىناي بالا-شاعاسىمەن بىرگە استانادا، ال ءسابيت الماتىدا تۇرىپ جاتسا كەرەك. ەكەۋى دە بۇل تۋرالى ازىرگە اشىپ ايتپاعاندىقتان، ناقتى ايتۋ قيىن.

stan.kz