17:00, 27 - شىلدە 2016 | GMT +6
قازاقستاندىق بالۋان وليمپيادا الدىندا ەسىمىن وزگەرتتى
استانا. قازاقپارات - ەركىن كۇرەس بويىنشا قازاقستان قۇراماسى اتىنان شىعاتىن تىۆا رەسپۋبليكاسى چادان قالاسىنىڭ تۋماسى ارتاس ساناا ەسىمىن وزگەرتتى.
وسىلايشا، ريو-دە-جانەيروداعى وليمپيادادا نۇريسلام سانايەۆ قازاقتىڭ كوك بايراعى ءۇشىن سىنعا تۇسەتىن بولادى.
«ارتاس ساناا قازاقستان ازاماتتىعىن الىپ، يسلام ءدىنىن قابىلداعان سوڭ، ەسىمىن وزگەرتۋ تۋرالى شەشىم قابىلداعان. ەندى نۇريسلام سانايەۆ ريوداعى وليمپيادا ويىندارىندا ەركىن كۇرەس بويىنشا 57 كەلى سالماقتا ەلىمىزدىڭ نامىسىن قورعايتىن بولادى»، - دەپ حابارلاندى ۆكونتاكتە جەلىسىندە Kazakhstan Wrestling Online.
جاڭارتىلعان الەمدىك رەيتينگتە سپورتشىنىڭ سەگىزىنشى ورىندا تۇرعانىن اتاپ وتكەن ءجون.
