ريو وليمپياداسىنىڭ ءۇمىتى: ماريام وردابايەۆا
ءبىز وسىعان دەيىن برازيليادا وتەتىن وليمپيادادا دزيۋدودان التى قازاقستاندىق سپورتشى ەل نامىسىن قورعايتىنىن ايتقان بولاتىنبىز. ولاردىڭ تورتەۋى - ەر، ەكەۋى - ايەل. بۇگىن التىنشى دزيۋدشىمىزدى تانىستىرماقپىز.
ريو- دە- جانەيرودا دزيۋدودان ونەر كورسەتەتىن ەكىنشى قىزىمىز - ماريام وردابايەۆا. وليمپيادا ويىندارىنا تەك جۇزدەن جۇيرىك اتانعان سپورتشىلار عانا جولداما الاتىنىن ەسكەرسەك، ماريامنىڭ دا جاي سپورتشىلاردىڭ قاتارىنان ەمەس ەكەنىن بايقاۋعا بولادى.
ماريام وردابايەۆا
تۋعان كۇنى/جىلى: 03.04.1988
تۋعان جەرى: الماتى قالاسى
سالماعى: 63 كەلى
باپكەرى: ت. بيابۋلين
جەتىستىكتەرى:
الەم كۋبوگىنىڭ قولا جۇلدەگەرى (2008)
الەم كۋبوگىنىڭ قولا جۇلدەگەرى (2011)
ەۋروپا كۋبوگىنىڭ قولا جۇلدەگەرى (2013)
گران- پري تۋرنيرىنىڭ ءۇش دۇركىن قولا جۇلدەگەرى (2013-2-رەت، 2014)
جازعى ازيا ويىندارىنىڭ قولا جۇلدەگەرى (2014)
ازيا چەمپيونى (2016)
ق ر سپورت شەبەرى.
ماريامنىڭ جوعارىداعى سپورتتىق جەتىستىكتەرىنە قاراساڭىز، ءبىراز بيىكتەردى باعىندىرعانى كورىنىپ تۇر. ەندەشە، ريو تورىندە دە ساتتىلىك جولداس بولىپ، جەڭىس تۇعىرىنان كورىنسىن دەپ تىلەيىك.
اۆتور: كۇنسۇلتان وتارباي
