بەيجىڭ قالاسىندا قازاقستاننىڭ ش ى ۇ ءتوراعالىعىنىڭ باسىمدىلىقتارى تالقىلاندى
ق ر س ءى م باسپا ءسوز قىزمەتىنىڭ حابارلاۋىنشا، كەزدەسۋ بارىسىندا، تاراپتار وتكەن ماۋسىم ايىنداعى ش ى ۇ سامميتىندە ق ر پرەزيدەنتى نۇرسۇلتان نازاربايەۆ كوتەرگەن 2016-2017 -جىلدارداعى قازاقستاننىڭ ءتوراعالىعىنىڭ باسىمدىلىقتارىن ىلگەرىلەتۋ جولدارى مەن تۇرلەرى تالقىلاندى.
ۇيىمداعى قازاقستاننىڭ ءتوراعالىعى شەڭبەرىندەگى نەگىزگى ءىس- شارالار بويىنشا ەگجەي- تەگجەيلى پىكىر الماسۋ ءوتتى.
ب ۇ ۇ باس اسسامبلەياسىنىڭ 71- سەسسياسىنىڭ «بىرىككەن ۇلتتار ۇيىمى مەن شاڭحاي ىنتىماقتاستىق ۇيىمىنىڭ ءوزارا ارەكەت ەتۋ» رەزوليۋتسياسىن دايىنداۋ جانە قابىلداۋ ماسەلەسىنە ەرەكشە نازار اۋدارىلدى.
2017 -جىلدىڭ ماۋسىمىندا استانادا وتكىزىلۋى جوسپارلانعان ش ى ۇ- عا مۇشە مەملەكەتتەر باسشىلارى كەڭەسىنىڭ وتىرىسىن جوسپارلى جانە جۇيەلى دايىنداۋدى قامتاماسىز ەتۋ ماقساتىندا قازاقستان ەلشىلىگى مەن ش ى ۇ حاتشىلىعىنىڭ بىرلەسكەن ءىس- شارالار جوسپارىن دايىنداۋ جانە بەكىتۋ تۋرالى ۋاعدالاستىققا قول جەتكىزىلدى.
ش. نۇرىشيەۆ سۇحباتتاسىن «ەكسپو-2017» حالىقارالىق مامانداندىرىلعان كورمەسىنە دايىندىق بارىسى تۋرالى اقپاراتتاندىردى جانە الداعى ءىس- شاراعا بەلسەندى قاتىسۋعا شاقىردى.
كەزدەسۋ سوڭىندا ش ى ۇ- نىڭ باس حاتشىسى ۇيىمنىڭ قىزمەتىن ايتارلىقتاي بەلسەندەتۋگە جانە ونىڭ حالىقارالىق ارەناداعى ءرولى مەن ورنىن جوعارىلاتۋعا ارەكەت ەتەتىن ق ر ءتوراعالىعى جانە الداعى استانادا ش ى ۇ ءسامميتى ءساتتى وتەتىنىنە سەنىم ءبىلدىردى.
