12:21, 27 - شىلدە 2016 | GMT +6
اقمولا وبلىسىندا ءتورت لاڭكەس ىزدەستىرىلۋدە - پروكۋراتۋرا
كوكشەتاۋ. قازاقپارات - اقمولا وبلىسىندا تەرروريستىك قىلمىس جاساعان 4 قىلمىسكەر ىزدەستىرىلۋدە.
بۇل تۋرالى «قازاقپارات» تىلشىسىنە وبلىستىق پروكۋراتۋرانىڭ باسپا ءسوز قىزمەتكەرى كۇنسۇلۋ گابيلدينوۆا ايتتى.
«اقمولا وبلىسىندا تەرروريستىك قىلمىس جاساعان 4 قىلمىسكەر ىزدەستىرىلۋدە. ال، جالپى جىل باسىنان بەرى وبلىس بويىنشا تەرروريزم جانە ەكسترەميزمگە بايلانىستى جاسالىنعان قىلمىس بويىنشا سوتقا دەيىنگى 5 قىلمىستىق ءىس قوزعالىپ، قازىرگى كەزدە تەرگەۋ امالدارى جۇرگىزىلۋدە»، دەپ ءمالىم ەتتى باسپا ءسوز قىزمەتكەر.
سونىمەن قاتار پروكۋراتۋرا تەرروريستىك قىلمىس جاساعان نەمەسە تەرروريستىك جانە ەكسترەميستىك يدەولوگيانى ناسيحاتتاعان ادامدار ق ر زاڭناماسىنا ساي قاتاڭ جازالاناتىنىن ەسكەرتەدى.
