قىتايدىڭ وڭتۇستىگىنە الاپات ميريناە تايفۋنى جەتتى

استانا. قازاقپارات - قىتايداعى ميريناە (Mirinae) تايفۋنى سەيسەنبى كۇنى وڭتۇستىك قىتايلىق حاينان ارالداعى پروۆينتسياسىنا جەتتى.

وسىعان بايلانىستى بيلىك ەسكەرتۋ جاريالادى، دەپ حابارلادى شينحۋا اگەنتتىگى.

تايفۋن سەيسەنبى كۇنى جەرگىلىكتى ۋاقىتپەن ساعات 22:20 دۋنگاو ۋەزىنە جەتتى. الاپات جەلدىڭ جىلدامدىعى ساعاتىنا 100 كيلومەترگە جەتتى.

داۋىل الدىندا 25 مىڭنان استام بالىق اۋلاۋ شحۋنالارى تەڭىزدەن ايلاققا ورالعانى حابارلاندى. سونىمەن قاتار حاينان مەن گۋاندۋن پروۆينتسياسى اراسىنداعى بارلىق جولاۋشىلار كەمەلەرىنىڭ قاتىناۋى توقتاتىلدى.

تايفۋن سالدارىنان حاينان ارالى، لەيچجوۋ جارتىلاي ارالى، گۋاندۋن پروۆينتسياسى مەن گۋاڭشي-چجۋان اۆتونومدى اۋدانىندا قاتتى جەل سوعىپ، نوسەرلى جاۋىن جاۋادى.