استانالىق ازامات ريوعا باراتىن بوكسشىلاردى ۇيىنەن ءدام تاتقىزىپ، باتاسىن بەردى - فوتو

استانا. قازاقپارات - استانادا سوڭعى جاتتىعۋىن پىسىقتاپ جاتقان بوكستان قازاقستان ۇلتتىق قۇراماسىن ەلورداداعى بەلسەندى ازاماتتاردىڭ ءبىرى تاۋبەجان ايتىلەۋوۆ ۇيىنە شاقىرىپ، الدارىنا اق داستارحان جايىپ، باتاسىن بەردى.

بۇل تۋرالى بەلگىلى جۋرناليست ءمادي ماناتبەك ءوزىنىڭ فەيسبۋكتەگى جەكە پاراقشاسىندا جازدى.

وندا «بۇگىن بوكستان ۇلتتىق قۇرامامەن باسقوسۋدىڭ ءساتى ءتۇستى. ادەتتەگىدەي ءتاۋباجان ايتىلەۋوۆ دوسىمىزدىڭ شاڭىراعىندا. وسى كەڭدىگىنەن ءبىز تاۋكەڭدى اتىمتاي جومارت اتاپ كەتكەنبىز. بۇگىن دە جومارتتىق جولىنان جاڭىلماعان تاۋكەڭ قازاقتىڭ كۇرزى جۇدىرىق كاسىپقوي بوكسشىسى قانات يسلام مەن جاتتىقتىرۋشىسى نەلسون لوپەسكە شاپان جاۋىپ، ارعىماق مىنگىزدى. قۇرامانىڭ باس جاتتىقتىرۋشىسى مىرزاعالي ايتجانوۆ، جاتتىقتىرۋشىلار مارات جاكيەۆ پەن مارات ەلەۋسىنوۆكە دە تۇلپار سىيلادى. قىزدى- قىزدىمەن ايتىسكەر اعامىز امانجول التاي، وليمپيادا چەمپيونى سەرىك ساپيەۆكە ارعىماق مىنگىزىپ، ۇلتتىق قۇراماعا جىر ارناۋىن جەتكىزدى. وليمپياداشىلارعا دا سىيلىقتار ۇلەستىرىلدى. بەلگىلى ءدىنتانۋشى، عالىم، قوعام قايراتكەرى قايرات جولدىباي ۇلى مەن ايتىسكەر اقىن سەرىكزات دۇيسەنعازى اق جول تىلەپ، باتالارىن بەردى»، - دەپ جازىلعان. سونداي-اق، تاۋكەڭنىڭ ۇيىندەگى قوناقاسى مەيرامحاناداعى وتەتىن تويدان ەش كەم بولماعانىن دا اتاپ وتەدى.

  

اۆتور: كۇنسۇلتان وتارباي