11:04, 27 - شىلدە 2016 | GMT +5
ديلما رۋسەف ريوداعى وليمپيادانىڭ اشىلۋىنا قاتىسپايدى
استانا. قازاقپارات - قىزمەتىنەن ۋاقىتشا شەتتەتىلگەن برازيليا پرەزيدەنتى ديلما رۋسەف ريو-دە-جانەيروداعى وليمپيادا ويىندارىنىڭ اشىلۋ سالتاناتىنا قاتىسپايدى.
«مەن وليمپيادادا ەكىنشى رولدە بولمايمىن»، - دەگەن رۋسەفتىڭ ءسوزىن كەلتىردى ت ا س س.
مەملەكەت باسشىسىنىڭ يمپيچمەنت ۇدەرىسىنە بايلانىستى وليمپيادا ويىندارىنىڭ اشىلۋى تۋرالى رەسمي تۇردە پرەزيدەنت لاۋازىمىندا رۋسەفتى الماستىرعان ميشەل تەمەر جاريالايدى.
قازىرگى ۋاقىتتا 45 مەملەكەت جانە ۇكىمەت باسشىسى وليمپيادا ويىندارىنىڭ اشىلۋ سالتاناتىنا قاتىسۋعا نيەتتى ەكەنىن راستادى. XXXI جازعى وليمپيادا 2016-جىلى 5- جانە 21- تامىز ارالىعىندا وتەدى.
