جاڭا زەلانديادا «باسى ارتىق» جىرتقىشتاردىڭ كوزى جويىلادى

استانا. قازاقپارات - كيۆي قۇستارى مەن توتىقۇستاردى قۇتقارۋ ءۇشىن جاڭا زەلانديادا بارلىق جىرتقىشتاردىڭ كوزىن جويۋ جونىندەگى شەشىم قابىلداندى.

2050-جىلى ەلدە ەگەۋقۇيرىق، وپوسسۋم، كۇزەن جانە جابايى مىسىق قالماۋى ءتيىس. بۇل جانۋارلاردىڭ بارلىعى ەلگە باسقا جەرلەردەن اكەلىنگەن جانە سيرەك كەزدەسەتىن قۇستاردىڭ قۇرىپ كەتۋىنە سەبەپشى بولۋدا، دەپ جازادى Gizmodo.

وسى ماقساتتا جاڭا زەلانديا ۇكىمەتى $28 ميلليون ءبولىپ، Predator Free New Zealand Ltd اتاۋىمەن جاڭا كومپانيا قۇردى. بۇل كومپانيانىڭ ماقساتى ەل اۋماعىنداعى جىرتقىشتاردىڭ كوزىن تولىق جويۋ. وسى ماقساتقا وڭتايلى جولداردى ۇسىناتىن باسقا مەكەمەلەر جوبالار تارتىلادى.

ەلدىڭ ەكوسيستەماسى بۇرىن تەپە-تەڭدىكتە بولعان دەپ سانالادى، الايدا ماوري تايپاسى ارالعا پولينەزيالىق ەگەۋقۇيرىق پەن يتتەردى الىپ كەلگەن سوڭ ول بۇزىلعان. ودان كەيىن ارحيپەلاگقا ەۋروپالىقتار كەلىپ، ولار دا جىرتقىش ءسۇت قورەكتىلەردى وزدەرىمەن بىرگە الا كەلگەن. بۇل ارالداعى قالىپتاسقان تابيعي تەڭدىكتىڭ شىرقىن بۇزعان.