ي ى ۇ سىرتقى ىستەر مينيسترلەرى كەڭەسىنىڭ وتىرىسى تاشكەنتتە وتەدى
«ي ى ۇ سىرتقى ىستەر مينيسترلەرى كەڭەسىنىڭ 43- وتىرىسى 2016-جىلدىڭ 18-19- قازان كۇندەرى تاشكەنتتە وتەدى. ىنتىماقتاستىقتىڭ تيىمدىلىگىن كوتەرۋ جانە جاڭا كوكجيەكتەرىن اشۋ ماقساتىندا مۇنداي ماڭىزدى شاراعا وزبەكستاندىق تاراپ دايىندىق جۇمىستارىن بەلسەندى جۇرگىزۋدە»، دەپ حابارلادى كاميلوۆ جيددا قالاسىنداعى ي ى ۇ مۇشە مەملەكەتتەردىڭ لاۋازىمدى تۇلعالار جينالىسىندا.
2015-جىلدىڭ مامىر ايىندا ەل-كۋۆەيتتەگى ي ى ۇ س ى م ك وتىرىسىندا 2016-جىلى ۇيىم ينستيتۋتىنا وزبەكستاننىڭ ءتوراعالىق ەتەتىنى جايلى شەشىم قابىلدانعان ەدى.
«ءتوراعالىق ەتۋ كەزەڭىندە وزبەكستان سىرتقى ىستەر مينيسترلەرى كەڭەسىندە ۇيىمنىڭ مادەني-گۋمانيتارلىق الەۋەتىن كۇشەيتۋ ماسەلەلەرىنە باستى نازار اۋدارا وتىرىپ، مۇسىلمان مەملەكەتتەرىنىڭ ءتيىمدى جانە بەدەلدى فورۋمى رەتىندە ي ى ۇ ءرولىن نىعايتۋعا كۇش سالادى»، - دەپ اتاپ ءوتتى رەسپۋبليكانىڭ سىرتقى ساياسات ۆەدومستۆوسىنىڭ باسشىسى.
ي ى ۇ س ى م ك وزبەكستان ءتوراعالىعىنىڭ باسىمدىلىعى رەتىندە كاميلوۆ ۇيىمعا مۇشە مەملەكەتتەر اراسىنداعى عىلىمي-تەحنيكالىق، ساۋدا جانە ينۆەستيتسيالىق ىنتىماقتاستىقتى، تەرروريزم مەن ەكسترەميزم يدەولوگياسىنا قارسى كۇرەستەگى بىرىگۋدى جانە يادرولىق قارۋدان ازات ايماق گەوگرافياسىنىڭ كەڭەيۋىن، اسىرەسە تاياۋ شىعىستا يادروسىز ايماق قۇرۋ يدەياسىن اتاپ ءوتتى.
ي ى ۇ الەۋمەتتىك، ەكونوميكالىق جانە ساياسي سالادا يسلام ىنتىماقتاستىعىن قامتاماسىز ەتۋ ءۇشىن 1969-جىلدىڭ قىركۇيەك ايىندا قۇرىلعان. 2011-جىلعا دەيىن يسلام كونفەرەنتسياسى ۇيىمى دەپ اتالىپ كەلدى. ي ى ۇ قۇرامىندا 57 مەملەكەت بار. قازاقستان بۇل ۇيىمعا 1995-جىلى قوسىلدى.
