ەفيوپيا پرەمەر-ءمينيسترى قازاقستاننان شاقىرتۋ الدى
«ءبىز سول ەلدىڭ ۇكىمەتىنە جانە ەفيوپيا فەدەراتيۆتىك رەسپۋبليكاسىنىڭ پرەمەر-ءمينيسترى دەسالەن مىرزاعا قازاقستانعا ىسساپارمەن كەلۋگە ۇسىنىس جاسادىق. ولار قازىرگى ۋاقىتتا ساپاردىڭ كۇن ءتارتىبىن جاساقتاۋدا. ولاردىڭ باسقا ەلدەرمەن جاساپ جاتقان ىستەرى ناقتى جانە ساپاردى نەگىزسىز جاسامايدى. ولار قازاقستان ولارعا نە ۇسىنا الاتىنىن بىلگىلەرى كەلەدى، سونىڭ اياسىندا ۇسىنىستار ازىرلەپ، سوعان ناقتى جوسپارلارىمەن كەلۋگە نيەت تانىتۋدا. بۇل جۇمىس جاسالىپ جاتىر»، - دەپ اتاپ ءوتتى ەلشى.
سونىمەن قاتار 28-29 -تامىزدا قازاقستانعا پانافريكالىق پارلامەنتتىڭ ءتوراعاسى روجە دانگ كەلەدى دەپ كۇتىلۋدە. ول سەمەي يادرولىق پوليگونىنىڭ جابىلۋىنا 25 جىل تولۋىنا ارنالعان كونفەرەنسياعا قاتىسادى.
ايتا كەتەيىك، پانافريكالىق پارلامەنت افريكالىق وداقتىڭ جوعارى ورگانى بولىپ تابىلادى. ونىڭ ەڭ باستى مىندەتى - قۇرلىقتاردىڭ دامۋىندا افريكا ەلدەرىنىڭ وكىلدىگىن قامتاماسىز ەتۋ.
اۆتور: جاسۇلان جولدىبايەۆ
