پەتروپاۆلدا سكەيت-پارك اشىلادى - فوتو

استانا. قازاقپارات - سولتۇستىك قازاقستان وبلىسى - وليمپيادا چەمپيونى ۆەلوسپورتشى الەكساندر ۆينوكۋروۆتىڭ وتانى.

جاس جەرلەستەرى ءۇشىن ۆەلوسپورتشى - ناعىز ۇلگى تۇتار ادام. سول سەبەپتى، وڭىردەگى ۆەلوسپورت قارقىندى دامىپ كەلەدى. ماسەلەن، BMX (Bicycle Motocross) اۋدارماسى «ۆەلوسيپەدتى موتوكروسس» دەگەن ماعىنا بەرەدى.

سپورتتىڭ بۇل تۇرىندە ديامەترى 50 س م بولاتىن دوڭگەلەگى بار ۆەلوسيپەدتە (موتوسيكلدە) ەكسترەمالدى ءجۇرۋ كەرەك. وسى تۇستا BMX- سپورتتىڭ جازعى وليمپيادا ويىندارى باعدارلاماسىنا ەنگىزىلگەنىن اتاپ وتكەن ءجون. پەتروپاۆلدا BMX- سپورتتىڭ پايدا بولعانىنا بىرنەشە جىل بولدى. بۇگىندە وبلىس ورتالىعىندا 30 رايدەر ۆەلوموتوكروسسپەن اينالىسادى.

ولاردىڭ ءبىرى - دانيل سمولياكوۆ. 15 جاستاعى بوزبالا سۇيىكتى ءحوببيىنسىز ءومىرىن ەلەستەتە المايدى. ونىڭ ايتۋىنشا، BMX- مەن اينالىسۋ دەنەنى شىنىقتىرۋعا مۇمكىندىك بەرەدى، قوزعالىستا كەلە جاتىپ تريۋكتەر ورىنداۋ بارلىق بۇلشىق ەتتى قوزعالتادى. دانيل سەمەي قالاسىنداعى «جاس ۇلان» مەكتەپ- ينتەرناتىندا وقيدى. تۋعان قالاسىنا كەلگەندە بوس ۋاقىتىندا سۇيىكتى ىسىمەن اينالىسقىسى كەلەدى، الايدا ارنايى سكەيت- پاركتىڭ بولماۋىنان، سۇيىكتى ىسىنەن قول ءۇزىپ قالادى ەكەن.

«وزگە قالالاردا ارنايى سكەيت- پاركتەر بار. ۆ م ح- سپورتتىڭ ءتۇرلى باعىتتارى بار. ماسەلەن، ءبىز كوشەدە سىرعاناعاۋىمىز «street» دەپ اتالادى. بۇرىن قوعامدىق- مادەني ورىنداردا ۆەلوسيپەد تەپتىك، ءبىزدى قۋىپ جىبەرەتىن. «مەتروعا» باردىق، وندا دا سول جاعداي. ەگەر ارنايى ورىن بولسا، ەشكىمگە كەدەرگى كەلتىرمەس ەدىك»، - دەيدى رايدەر.

بالالار ءوز ماسەلەلەرىن وبلىس اكىمى ەرىك سۇلتانوۆقا ايتۋدى ءجون كورگەن. رايدەرلەردىڭ ءوزى ءوڭىر باسشىسىنا بارۋعا جۇرەك داۋالاماعانىن ايتۋدا.

«كەشكى ۋاقىتتا كونستيتۋتسيا كوشەسىمەن وتەتىن اكىمدى ءجيى كورەتىنبىز. وعان ءوز ماسەلەمىزدى ايتقىمىز كەلەتىن، ءبىراق ۇيالدىق. بار كۇشىمىزدى جيىپ، ءبىر كۇنى اكىمگە باردىم. سىرعانايتىن جەر جوق ەكەنىن ايتتىم. ەرىك سۇلتانوۆ ءبىزدى مۇقيات تىڭداپ، بۇل ماسەلەنى شەشۋگە ۋادە بەردى. كەلەسى كۇنى ماعان حابارلاسىپ، كەزدەسۋگە شاقىردى. ءبىراق مەن سەمەيگە كەتىپ بارا جاتقاندىقتان، يليا دوسىمدى جىبەردىم. يليا بىرنەشە سكەيت- پاركى بار اناپا قالاسىنان، ول سكەيت- پاركتى قالاي قۇرۋ كەرەكتىگى جايلى اكىممەن اقىلداستى»، - دەپ ەسكە الدى دانيل.

پەتروپاۆل قالاسى دەنە تاريبەسى جانە سپورت ءبولىمى س ق و اكىمى ەرىك سۇلتانوۆتىڭ تاپسىرماسىمەن ەسكى پارك اۋماعىنا سكەيت- پارك سالىناتىن بولدى. قازىر مەتالل كونسترۋكتسيالارى دايىندالۋدا جانە نەگىزگى ماتەريال - سىعىمدالعان فانەرالار الىنۋدا. سكەيت- پارك سالۋ جۇمىستارىن 10 -تامىزعا دەيىن ءبىتىرۋ جوسپارلانىپ وتىر.

 جوبا ەسكيزى رايدەرلەرمەن بىرىگىپ جاسالدى. ماماندار بالالاردىڭ تالاپ-تىلەگىن ەسكەرۋگە تىرىستى. ەندى دانيل مەن ونىڭ دوستارى ءوز ارماندارىنىڭ ورىندالۋىن كۇتىپ ءجۇر.