22:44, 26 - شىلدە 2016 | GMT +6
دوس-مۇقاسان توبىنىڭ بۇرىنعى مۇشەسى اەروعارىش كوميتەتى باسشىسىنىڭ كەڭەسشىسى بولىپ تاعايىندالدى
الماتى. قازاقپارات - «دوس-مۇقاسان» ەسترادالىق انسامبلىنىڭ نەگىزىن قالاۋشىلاردىڭ ءبىرى مەيىربەك مولدابەكوۆ اەروعارىش كوميتەتى باسشىسىنىڭ كەڭەسشىسى بولىپ تاعايىندالدى.
بۇل تۋرالى بۇگىن فەيسبۋك الەۋمەتتىك جەلىسىندەگى ءوزىنىڭ جەكە پاراقشاسىندا ق ر ينۆەستيتسيالار جانە دامۋ مينيسترلىگى كادر جۇمىسى دەپارتامەنتىنىڭ ديرەكتورى مارات يعالي حابارلادى.
«مولدابەكوۆ مەيىربەك مولدابەك ۇلى ق ر ينۆەستيتسيالار جانە دامۋ مينيسترلىگى اەروعارىش كوميتەتى ءتوراعاسىنىڭ كەڭەسشىسى بولىپ تاعايىندالدى. قۇتتى بولسىن!» - دەپ جازادى مارات يعالي.
ايتا كەتەلىك، مەيىربەك مولدابەكوۆ ق ر ينۆەستيتسيالار جانە دامۋ مينيسترلىگى ايەروعارىش كوميتەتى ءتوراعاسىنىڭ ورىنباسارى جانە ق ر ۇلتتىق عارىش اگەنتتىگى ءتوراعاسىنىڭ ورىنباسارى قىزمەتتەرىن اتقارعان.
ول سونىمەن قاتار، 1967 -جىلى قۇرىلعان «دوس- مۇقاسان» ەسترادالىق ۆوكالدى اسپاپتار ءانسامبلىنىڭ نەگىزىن قالاۋشىلاردىڭ ءبىرى.
اۆتور: ايبوتا جاپپاربەرگەن
