ريو وليمپياداسىندا ۇستەل تەننيسىنەن ا ق ش نامىسىن قىتاي سپورتشىلارى قورعايدى

استانا. قازاقپارات - ريو وليمپياداسىندا ۇستەل تەننيسىنەن ا ق ش نامىسىن قىتاي سپورتشىلار قورعايدى. بۇل تۋرالى قىتايداعى ب ا ق وكىلدەرى جارىسا جازىپ جاتىر.

دەرەككوزدەرگە سۇيەنسەك، ۇستەل تەننيسىنەن ا ق ش قۇراماسى تاريحتا تۇڭعىش رەت 6 سپورتشى جەكەلەي جانە توپتىق سىنعا جولداما العان. ريودا سپورتتىڭ بۇل تۇرىنەن ونەر كورسەتەتىن ا ق ش سپورتشىلاردىڭ ەسىمدەرىن جاريالاعاندا جەرگىلىكتى وليمپيادالىق كوميتەت ولاردىڭ 6 ازيالىق سپورتشى ەكەنىن، بەسەۋىنىڭ قىتاي ۇلتىنان شىققان ازاماتتار ەكەنىن مالىمدەگەن.

ولاردىڭ ەسىمدەرى: ۆاڭ حاۋپين، فەن يدجيۋن، ۆۋ يۋە، دجاڭ ان، دجىن جياچي. التىنشى سپورتشىنىڭ ەسىمى حاناك جاكا. بۇل سپورتشى ينديالىق 16 جاسار سپورتشى ەكەنى انىقتالعان. حاناك جاكا ريو وليمپياداسىنا قاتىساتىن ا ق ش قۇراماسىنداعى جاسى ەڭ جاس سپورتشى اتانىپ وتىر.

اۆتور: كۇنسۇلتان وتارباي