قازاقستاندىق ينجەنەرلىك اسكەرلەر العاش رەت حالىقارالىق بايقاۋعا قاتىسۋدا - فوتو
دەپ جازادى ق ر قورعانىس مينيسترلىگى فەيسبۋكتەگى رەسمي پاراقشاسىندا.
«حالىقارالىق ارميا ويىندارى اياسىندا اسكەريلەر اراسىندا 23 كونكۋرس وتسە، سونىڭ ءبىرى - «قاۋىپسىز باعدار» جانە «ينجەنەرلىك فورمۋلا» جارىستارى. قازاقستاندىق ينجەنەرلىك اسكەرلەر بۇل ەكى بايقاۋعا العاش رەت قاتىسقالى تۇر»، دەلىنگەن جازبادا.
دودادا ينجەنەرلىك تەحنيكا ەكيپاجدارى باسەكەگە تۇسەدى. «قاۋىپسىز باعدار» بايقاۋى - بۇل ينجەنەرلىك- ساپەرلىك بولىمشەلەردىڭ سايىسى. ساپەرلەر بايقاۋ شەڭبەرىندە وتكەلدى، مينالىق الاڭدى ميناسىزداندىرۋدى جۇزەگە اسىرادى، اسكەرلەرگە ارناپ جول توسەيدى. ينجەنەر- اسكەري قىزمەتشىلەر تانكىگە قارسى ور ارقىلى كوپىر سالادى. جارىسقا شۇڭقىردى كومىپ تاستايتىن جول توسەگىش، ورمان ءۇيىندىسىن تىرمالايتىن ينجەنەرلىك قورشاۋ ماشيناسى تارتىلاتىن بولادى. بايقاۋ ەستافەتامەن اياقتالادى.
ەسكە سالا كەتسە، سايىسقا رەسەي، بەلارۋس، قازاقستان جانە قىتاي سياقتى ءتورت مەملەكەتتىڭ كومانداسى قاتىسادى. ۇيىمداستىرۋشىلار ءبىزدىڭ كوماندانى قوناقجايلىقپەن قارسى الىپ، 187- وقۋ- جاتتىعۋ ورتالىعىنىڭ كازارماسىنا ورنالاستىردى.
كونكۋرس 2 - تامىز كۇنى رەسمي تۇردە باستاۋ الادى. ويىننىڭ فينالى 9 جانە 11 - تامىز كۇندەرى وتەدى.
фото: facebook.com/modgovkz
