تانىمال ءانشى ريو وليمپياداسىنا ارناپ ءان شىعاردى - كەسكىن

استانا. قازاقپارات - بۇگىن ريو وليمپياداسىنىڭ الاۋى تۇتانۋىنا نەبارى 11 تاۋلىك عانا قالدى. ەندى ساناۋلى كۇننەن كەيىن الەم نازارى برازيلياعا اۋادى.

وسىعان وراي امەريكالىق ايگىلى ءانشى كەتي پەرري  ХХХІ  جازعى ويىنعا ارناپ ءان شىعاردى.

كەتي پەرري «گرەممي» سىيلىعىنىڭ بىرنەشە مارتە يەگەرى. ونىڭ ريو وليمپياداسىنا ارنالعان «Rise»  (ورلەۋ) ءانى ون كۇننىڭ ىشىندە Youtube-تا 21 ميلليوننان استام كورەرمەن جيناپ، رەكورد جاساعان.

مالىمەتتەرگە سۇيەنسەك، بۇل ءان ريو ويىندارى كەزىندە امەريكالىق NBC Sport ارناسىنىڭ رەسمي ءانى بولماق. ال فاناتتار بۇل اۋەندى ريو وليمپياداسىنىڭ بەيرەسمي ءانۇرانى رەتىندە قابىلداعان.

ەستەرىڭىزگە سالا كەتەيىك، ريو-دە-جانەيرو وليمپياداسى تامىزدىڭ 5-21 ارالىعىندا وتەدى.

اۆتور: كۇنسۇلتان وتارباي