ماسا اۋلاۋدان الەم چەمپيونى ءوتتى

استانا. قازاقپارات -  الەمدە ەرلەر ايەلدەرىن كوتەرىپ الىپ جارىساتىن سايىستىڭ بار ەكەنىن بىلەمىز. ءبىراق، ماسا اۋلاۋ چەمپيوناتى تۋرالى ءبىرىنشى رەت ەستىپ وتىرمىز.

 جۋىردا شۆەتسيا ەلىنىڭ ەۆەرتۋرنەو قالاسىندا وتكەن بۇل سايىستىڭ چەمپيونى دا انىقتالىپ قويىپتى. كريستوفەر ەكەرسۋند اتتى ادام ماسا اۋلاۋدان الەم چەمپيونى اتاندى، دەپ حابارلايدى Sveriges Radio.

 جالپى بۇل اتاق ءۇشىن 42 ادام تالاسقان ەكەن. چەمپيوناتتىڭ باستى شارتى - 15 مينۋت ىشىندە بارىنشا كوپ ماسانى قاعىپ ءتۇسىرۋ. كريستوفەر ەكەرسۋند 135 ماسانى اۋلاپ شىققان. ال وسىعان دەيىنگى چەمپيون توممي كيۋرو تەك 98 ماسا قاعىپ تۇسىرگەن. ماسا اۋلاعىش ەكەرسۋند ءوز شەبەرلىگىنىڭ قۇپياسىمەن بولىسۋدەن باس تارتتى. ءبىراق، ونىڭ ايتۋىنشا، ماسانى كوبىرەك قولعا ءتۇسىرۋ ءۇشىن قارا كيىم كيىپ، تەرلەپ، قيمىلسىز تۇرۋ كەرەك ەكەن.

www.24.kz