08:41, 26 - شىلدە 2016 | GMT +5
توڭكەرىس جاساۋ ارەكەتىنە بايلانىستى تۇركيا ەلشىلەرىنىڭ ءبىرقاتارىن اۋىستىرادى
استانا. قازاقپارات - تۇركيانىڭ سىرتقى ىستەر ءمينيسترى ميەۆليۋت چاۆۋشوعلى مەملەكەتتىك توڭكەرىس جاساۋ ارەكەتىن تەرگەۋ اياسىندا وزگە مەملەكەتتەردەگى بىرنەشە ەلشىنىڭ قايتا شاقىرىلاتىنىن مالىمدەدى.
م. چاۆۋشوعلىنىڭ ايتۋىنشا، مەكەمە تۇرىك تىلىنەن اعىلشىن تىلىنە جانە كەرىسىنشە اۋدارىلعان ەمتيحان جاۋاپتارىنىڭ تارالىپ كەتكەنىن انىقتاعان. مينيستر كەيبىر شەنەۋنىكتەردىڭ ەمتيحان جاۋاپتارىن الدىن الا ءبىلىپ، جاۋاپتى قىزمەتكە تاعايىندالعانىن ايتتى.
«ءبىزدىڭ مينيسترلىك ەڭ باستى بايلانىستاردى جۇزەگە اسىرادى، مەملەكەتتىك قۇپيانىڭ ءبارى بىزدە. مۇنداعى كەز كەلگەن اقپاراتتىڭ تاراۋىنا جول بەرمەۋىمىز كەرەك، بىرنەشە ەلشى قىزمەتىنەن بوساتىلۋى مۇمكىن»، - دەپ مالىمدەدى مينيستر Haberturk سۇحباتىندا.
بۇگىن Hurriyet گازەتى تۇركياداعى 42 جۋرناليستى تۇتقىنداۋ تۋرالى وردەردىڭ بەرىلگەنىن حابارلادى.
ولاردى اسكەري توڭكەرىسكە قاتىستى، وپپوزيتسيالىق يسلام ۋاعىزشىسى ف. گۇلەنمەن بايلانىسى بار دەپ ايىپتاۋدا.
