الاكولگە قاتىنايتىن پويىز ىسكە قوسىلدى

تالدىقورعان. قازاقپارات - الماتى وبلىسىندا الاكولگە بارىپ دەمالۋشىلار قاتارى ارتقاندىقتان جەرگىلىكتى بيۋدجەتتەن «جەتىگەن-دوستىق-جەتىگەن» باعىتىندا جولاۋشىلارعا ارنالعان تۋريستىك پويىز جولعا شىقتى.

جولاۋشىلار پويىزىن الماتى وبلىسىنىڭ اكىمدىگى سۋبسيديالاپ وتىر. جولاۋشىلار پويىزى 7 كۋپە، 2 پلاسكارت ۆاگونىنان تۇرادى. ول اپتاسىنا ءۇش رەت قاتىنايدى.

پويىز توقتايتىن بەكەتتەر: جەتىگەن، سارى وزەك، ۇشتوبە، ماتاي، لەپسى، بەسكول، 13 رازەزد (اقشي اۋىلى)، كوكتۇما، دوستىق ستانتسيالارى.