تارازدا قوعامدىق كولىكتەردەگى جەڭىلدىكتى الىپ تاستايدى

تاراز. قازاقپارات - تارازدا قوعامدىق كولىكتەردە ۇلى وتان سوعىسى، اۋعان سوعىسى ارداگەرلەرى، چەرنوبىل ا ە س اپاتىن جويۋعا قاتىسۋشىلار جانە ونىڭ جەسىرلەرى مەن كوپ بالالى انالارعا ارنالعان جەڭىلدىكتەر جويىلدى، ەندى ولار دا قالا اۆتوبۋستارىمەن ءجۇرۋ ءۇشىن بيلەت ساتىپ الۋى قاجەت.

بۇل تۋرالى وڭىرلىك كوممۋنيكاتسيالار قىزمەتىندە تاراز قالاسى اكىمىنىڭ ورىنباسارى جاقسىلىق ساپاراليەۆ، تاراز قالاسى اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمى» م م باسشىسى گاۋحار ولجابايەۆا جانە قالالىق ت ك ش ءبولىمى باسشىسى قادىربەك دەمەتبايەۆ ايتتى.

سپيكەرلەردىڭ ايتۋىنشا، تاراز قالاسىندا قوعامدىق كولىكتە قاتىناۋ باعاسى 2015-جىلدىڭ ناۋرىز ايىنان بەرى وزگەرمەگەن. ياعني، قازاقستان بويىنشا ەڭ تومەنگى باعا - 55 تەڭگە، ستۋدەنتتەر ءۇشىن - 50 تەڭگە، وقۋشىلار ءۇشىن - 25 تەڭگە ساقتالىپ تۇر.

«ناۋرىز ايىندا اكىمدىككە قوعامدىق كولىك قىزمەتىمەن اينالىساتىن كاسىپكەرلەردەن تاريف باعاسىن قايتا قاراۋ، جەڭىلدىكتەردى الىپ تاستاۋ تۋرالى حات ءتۇستى»، - دەدى ق. دەمەتبايەۆ.

بۇل حاتتا كورسەتىلگەن دايەكتەردى انىقتاۋ ءۇشىن ارنايى جۇمىس توبى قۇرىلدى. ءبىر ايعا جۋىق جۇرگىزىلگەن زەرتتەۋدەن كەيىن جۇمىس قورىتىندىسى ەكونوميكا جانە بيۋدجەتتى جوسپارلاۋ بولىمىنە، سونىمەن قاتار، قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ جامبىل وبلىسى بويىنشا دەپارتامەنتىنە جىبەرىلدى.

تاراز قالاسى اكىمىنىڭ ورىنباسارى ج. ساپاراليەۆ بۇل جۇمىستار تاريفتى كوتەرۋ ءۇشىن جۇرگىزىلمەگەنىن اتاپ ايتتى.

«زەرتتەۋ جۇمىستارىنان كەيىن قوعامدىق كولىكتە ءجۇرۋ قۇنى 65 تەڭگە بولۋ قاجەتتىگى انىقتالدى. الايدا، قوعامدىق كولىكپەن قاجەت دەڭگەيدە قامتاماسىز ەتۋ جانە اۆتوبۋستاردىڭ تەحنيكالىق قاجەتتىلىكتەرىن تولىقتىرۋ ءۇشىن بارلىق جەڭىلدىكتەردى توقتاتىپ، قازىرگى جول ءجۇرۋ قۇنى - 55 تەڭگە وزگەرىسسىز قالدىرىلدى. وقۋشىلار ءۇشىن جەڭىلدىك -25 تەڭگە ساقتالادى»، - دەدى ول.