قوستاناي ادىلەت باسقارماسىنىڭ بۇرىنعى باسشىسى سوتتا ءوز كىناسىن مويىندادى

قوستاناي. قازاقپارات - جەمقورلىق قىلمىس جاسادى دەپ ايىپتالعان ادىلەت باسقارماسىنىڭ بۇرىنعى باسشىسى ەرجان ماحمۇتوۆ سوت پروتسەسىندە ءوز كىناسىن مويىندادى.

بۇرىن حابارلانعانداي، بۇرىنعى شەنەۋنىكتەرگە (ادىلەت باسقارماسىنىڭ بۇرىنعى باسشىسى ەرجان ماحمۇتوۆ پەن ونىڭ ورىنباسارى ازامات قوجامۇراتوۆ) ءوز قىزمەتىن اسىرا پايدالاندى دەگەن ايىپ تاعىلىپ وتىر.

سوتتا ەكى وقيعا قارالۋدا - «قازاقتەلەكوم» ا ق جەرگىلىكتى فيليالىن ايىپپۇل تولەۋدەن جالتارتۋ جانە كەپىلدى زاڭسىز تىركەۋ. ادىلەت باسقارماسىنىڭ بۇرىنعى باسشىسى ونىڭ بىردە-ءبىرىن مويىندامادى. ونىڭ ۇستىنە، ەكىنشى ايىپكەر مەن كۋاگەرلەر بەرگەن تۇسىنىكتەمە ونى اشكەرە ەتتى. ءبىرىنشى «قىزمەتى» ءۇشىن باسقارما باسشىلارى 400 مىڭ تەڭگە، ەكىنشى «قىزمەتى» ءۇشىن 200 مىڭ تەڭگە العان.

قوجامۇراتوۆ ءوز ايىبىن مويىنداپ قانا قويماي، جاساعان ىسىنە وكىنىش بىلدىرگەن. ءبىراق ماحمۇتوۆ سوڭىنا دەيىن ءوز كىناسىن مويىنداۋدان باس تارتتى. ايتىلعان وقيعالاردىڭ ەشقايسىسىن بىلمەيتىنىن، قول استىنداعى قىزمەتكەرلەرگە سەنىم بىلدىرگەنىن ايتقان. ال بۇگىنگى سوت پروتسەسىندە ءبارىن ەسىنە تۇسىرگەنىن ايتىپ، ءوز ايىبىن مويىندادى.

مەملەكەتتىك ايىپتاۋشى ايىپكەرلەردى بارىنشا ەڭ قاتال جازا بەرۋدى سۇرادى. پروكۋروردىڭ ويىنشا، ماحمۇتوۆ وزىنە بەرىلەر جازانى جەڭىلدەتۋ ءۇشىن ءوز تۇسىنىكتەمەسىن وزگەرتتى، الايدا ءوز ىسىنە وكىنىپ تۇرعان جوق.

مەملەكەتتىك ايىپتاۋشى ماحمۇتوۆتىڭ مۇلكىن تاركىلەپ، جالپى رەجيمدە 4 جىلعا باس بوستاندىعىنان ايىرۋدى سۇرادى. قوجامۇراتوۆقا 3 مىڭ ا ە ك كولەمىندە ايىپپۇل جانە مۇلكىن تاركىلەۋدى لايىق كوردى.

 بۇرىنعى شەنەۋنىكتەرگە ۇكىم شىعارىلادى.

فوتو: ng.kz