شىعىس قازاقستاندا مۇعالىمدەرگە ارنالعان مەكتەپ فورماسىن ەنگىزۋدى ۇسىندى
«بۇگىن ءبىز مۇعالىمدەرگە ارنالعان فورما ەنگىزۋ مۇمكىندىكتەرىن قاراستىرۋدامىز - ونىڭ ءبىرىڭعاي ۇلگىدە بولۋى شارت ەمەس. ءار مەكتەپ ءوز كيىم ۇلگىسىن تاڭداي الادى. زىريانوۆتىڭ №1 -باستاۋىش مەكتەبىندە پەداگوگتارعا ارنالعان ءبىرىڭعاي كيىم ۇلگىسى قابىلداندى»، - دەدى اۋدان اكىمى اركادي يسايەۆ. بۇدان بۇرىن ا. يسايەۆ اۋداندىق ءبىلىم بەرۋ، دەنە تاربيەسى جانە سپورت ءبولىمىنىڭ باسشىسى بولعان.
زىريانوۆ ءبىلىم بولىمىندە وقۋشىلارعا ارنالعان ءبىرىڭعاي فورما تازالىق پەن ءتارتىپتىڭ ورناۋىنا وڭ اسەر ەتكەنىن، ەندى بۇل تاجىريبەنى مۇعالىمدەر اراسىنا ەنگىزەتىنىن اتاپ ءوتتى.
ش ق و ءبىلىم بەرۋ باسقارماسىنىڭ باسشىسى ايجان سادىقوۆانىڭ ايتۋىنشا، 2016-2017 وقۋ جىلىندا پەداگوگتارعا ارنالعان ءبىرىڭعاي مەكتەپ فورماسىن زاڭدى تۇرعىدا ەنگىزۋ جوسپاردا جوق. ءاربىر ءبىلىم بەرۋ ۇيىمى اتالعان ماسەلەنى جارعىلىق قۇجاتتار مەن ىشكى تارتىپكە سايكەس قاراستىرۋدا.
