19:05, 25 - شىلدە 2016 | GMT +6
تۇركيادا جارىلىس بولىپ، ءۇش پوليتسەي اجال قۇشتى
استانا. قازاقپارات - تۇركيانىڭ وڭتۇستىك- شىعىسىنداعى ماردان پروۆينتسياسىندا بولعان جارىلىس ءۇش پوليتسيا قىزمەتكەرىنىڭ ءومىرىن قيدى، دەپ جازادى Anadolu اگەنتتىگى.
بروندالعان پوليتسيا اۆتوكولىگى دەريك قالاسى ماڭىنان وتكەندە بومبا جارىلعان. ناتيجەسىندە ءۇش پوليتسەي كوز جۇمدى. سۇحبات بەرۋشىنىڭ ايتۋىنشا، جارىلىسقا كۇردىستان جۇمىسكەرلەر پارتياسى (ك ج پ) جاۋاپتى. بيلىك ايماقتاعى ك ج پ مۇشەلەرىن ۇستاۋ جونىندەگى ارنايى وپەراتسيانى جالعاستىرۋدا.
بۇدان بۇرىن كۇردىستان جۇمىسكەرلەر پارتياسى مۇشەلەرى اسكەري نىسان اۆتوكولىگىن جارعان بولاتىن. وقيعا سيريامەن شەكارالاس ورنالاسقان ماردان پروۆينسياسىندا بولعان ەدى.
