پاۆلودار وبلىسىندا قۇتقارۋشىلار ءتورت بالانى اجالدان امان الىپ قالدى

استانا. قازاقپارات - بۇگىن ساعات تۇسكى ءبىر شاماسىندا پاۆلودار وبلىسى توتەنشە جاعدايلار دەپارتامەنتى جەدەل-قۇتقارۋ جاساعىنىڭ قىزمەتكەرلەرى ءتورت بالانى قۇتقارىپ قالدى.

بۇل تۋرالى ق ر ءى ءى م ت ج ك باسپا ءسوز قىزمەتىنەن حابارلادى.

پاۆلودار قالاسىندا ۋسولكا شاعىن اۋدانىنىڭ قۇتقارۋشىلارى 2006، 2007 -جىلى تۋىلعان ءتورت بالانى سۋدان شىعارىپ الدى. ەكەۋى شەكتەۋ بەلگىسى قويىلعان ايماقتان اسىپ ءجۇزىپ كەتكەن، ال قالعان ەكەۋى ولاردى قۇتقارماقشى بولىپ تىرىسقان، ناتيجەسىندە تورتەۋىنە دە كومەك قاجەت بولدى.

ابىروي بولعاندا، زارداپ شەگۋشىلەرگە مەديتسينالىق كومەك قاجەت بولمادى، پروفيلاكتيكالىق جۇمىس جۇرگىزىلگەننەن كەيىن بالالار ۇيلەرىنە جىبەرىلدى.

اتاپ وتەتىن جايت، بۇل جاعداي ءبىرجولعى ەمەس، ۇقساس جاعداي تامىز ايىندا بىلتىرعى جىلمەن سالىستىرعاندا ءجيى ورىن الادى، سوندىقتان بالالار لاگەرى ماۋسىمى جابىلسا دا، ءوز بوس ۋاقىتتارىن وزدەرى ۇيىمداستىرادى. جانە دە ولار دەمالىس ورىندارى رەتىندە، قاۋىپسىزدىك شارالارىن ەسكەرمەستەن جاقىن ماڭداعى سۋ قويمالارىن تاڭدايدى.