تۇركيا قىرعىزستاننان وپپوزيتسيونەر گۇلەن ۇيىمدارىمەن ىنتىماقتاستىقتى دوعارۋدى تالاپ ەتۋدە
الانياداعى دەموكراتيانى قولداۋ اكسياسىندا دا تۇرىك ىشكى ساياسي مەكەمەسىنىڭ باسشىسى دا وسىنداي ۇندەۋمەن شىققان.
م. چاۆۋشوعلىنىڭ سوزدەرىنە سۇيەنسەك، ول قىرعىزستان سىرتقى ىستەر ءمينيسترى ەرلان ابىلدايەۆقا حابارلاسىپ، تۇرىك بيلىگىنىڭ ويىنشا، اسكەري توڭكەرىس جاساۋعا ارەكەت ەتكەن فەتحۋللاھ گۇلەننىڭ جاقتاستارىنا قارسى شارا قولدانۋدى وتىنگەن. تۇرىك ءمينيسترى الەمنىڭ بىرنەشە ەلىنىڭ بيلىگى تۇركيانى قولداعانىن مالىمدەگەن. ونىڭ ايتۋىنشا، بۇل مەملەكەتتەر ءوز اۋماعىنداعى گۇلەنگە قانداي دا ءبىر قاتىسى بار ۇيىمداردى جابادى. سوماليدەگى گۇلەن جاقتاۋشىلارى ەلدەن كەتۋ ءۇشىن ءبىر اپتا ۋاقىت سۇراعان، سولتۇستىك كيپردە بۇل ۇيىمدار تەرروريستىك بولىپ سانالادى.
«ازەربايجان مەن باسقا دا ەلدەردە وسىنداي شارالار جاسالۋدا. مەن قىرعىزستاننىڭ سىرتقى ىستەر مينيسترىنە حابارلاسىپ، ولاردىڭ پىكىرى وزگەرمەسە، ءبىزدىڭ قارىم- قاتىناسىمىزدىڭ وزگەرەتىنىن ايتتىم. كەزىندە ءبىز گۇلەن ۇيىمدارىنا كومەك بەرگەنبىز. ولار ءبىلىم بەرۋ، مەكتەپ تۋرالى ايتقانىمەن، جوسپارلارى مۇلدەم بولەك بولىپ شىقتى. ءبىز ءوز باۋىرلارىمىزدان قولداۋ كۇتەمىز. وسىنداي قيىن- قىستاۋ كۇندەرى باۋىرمالدىعىمزدى تانىتايىق»، - دەدى م. چاۆۋشوعلى.
م. چاۆۋشوعلى مىرزا «قارىم- قاتىناستىڭ وزگەرۋى» تۋرالى اشىپ ەشتەڭە ايتقان جوق. الايدا، «سەبات» قامقورلىعى اياسىندا جۇمىس ىستەيتىن گۇلەننىڭ قىرعىزستانداعى ءبىلىم بەرۋ مەكەمەلەرىن جابۋ تۋرالى ايتىلۋى مۇمكىن. بۇدان بۇرىن تۇركيا پرەزيدەنتى ر. ت. ەردوعان وپپوزيتسيالىق يسلام ۋاعىزشىسى ف. گۇلەننىڭ قاتىسى بار بارلىق مەكەمەنى جابۋ تۋرالى جارلىققا قول قويعان ەدى. وعان سايكەس، مىڭعا جۋىق جەكە مەكتەپ، 1200 قور مەن قاۋىمداستىق، 35 مەديتسينالىق مەكەمە، 19 وداق پەن 15 ۋنيۆەرسيتەت ءوز جۇمىسىن توقتاتتى.
رەسمي دەرەكتەرگە سايكەس، قىرعىزستان اۋماعىندا ف. گۇلەنگە قاتىسى بار 9 باستاۋىش مەكتەپ، 16 ليتسەي، 2 حالىقارالىق مەكتەپ جانە حالىقارالىق ۋنيۆەرسيتەت رەسمي تۇردە جۇمىس ىستەيدى.
ازىرگە قىرعىزستان س ءى م تۇركيالىق تاراپتىڭ مالىمدەمەسى تۋرالى ەشقانداي تۇسىنىكتەمە بەرگەن جوق.
