15:18, 25 - شىلدە 2016 | GMT +6
تۇينەمە سالدارىنان مىڭداعان مارال قىرىلدى
استانا. قازاقپارات - رەسەيدىڭ يامالا-نەمىس اۆتونومدى ولكەسىندە ءسىبىر جاراسى مىڭداعان مارالدىڭ قىرىلۋىنا سەبەپ بولدى. مارالدار قىرىلعان وڭىردە كارانتين رەجيمى ەنگىزىلدى.
بۇل تۋرالى ولكە باسشىسىنىڭ باسپا ءسوز قىزمەتىنەن حابارلادى.
«ولگەن جانۋارلاردان الىنعان سىنامالارعا جاسالعان ساراپتاما مارالداردىڭ قىرىلۋ سەبەبىن كورسەتتى. يامالا- نەمىس اۆتونومدى ولكەسىنىڭ ۆەتەريناريا قىزمەتى مارالداردىڭ ءبىر بولىگى تۇينەمە سالدارىنان قىرىلعانىن راستادى. وكرۋگ گۋبەرناتورى دميتري كوبىلكين 25 -شىلدەدە يامالا اۋدانىندا كارانتين رەجيمىن ەنگىزدى»، - دەلىنگەن حابارلامادا.
بۇدان بۇرىن يامالادا مىڭداعان مارالدىڭ قىرىلعانى مالىمدەلگەن بولاتىن، دەپ جازدى ت ا س س.
