قىتايدا سۋعا قونىپ- ۇشۋعا بەيىمدەلگەن ەڭ ۇلكەن ۇشاق تانىستىرىلدى

استانا. قازاقپارات - قىتايدا سۋعا جەدەل قونىپ- ۇشۋعا بەيىمدەلگەن الەمدەگى ەڭ ۇلكەن گيدرو ۇشاق رەسمي تانىستىرىلدى.

 AG-600 جوباسىن جاساۋعا ماماندار 7 جىلىن سارپ ەتكەن. ول ءورت ءسوندىرۋ جانە تەڭىزدەگى ىزدەۋ جۇمىستارىن جۇرگىزۋگە وتە قولايلى.

 الىپ اۋە كولىگى بورتتاعى 50 اداممەن تەڭىز ايدىنىنا وڭاي قونۋعا جانە 12 توننا سۋدى نەبارى 20 سەكۋندتا سورىپ الۋعا قاۋقارلى. ال شەكتى ۇشۋ ۇزاقتىعى -  4 جارىم مىڭ شاقىرىم. سونىمەن قاتار گيدرو ۇشاقتى مۇحيتتاعى جاعدايدى زەرتتەپ- زەردەلەيتىن ارنايى قۇرىلعىمەن جابدىقتاۋعا دا بولادى.

www.24.kz