اقمولا وبلىسىنىڭ اكىمى زەرەندى اۋدانىنداعى ەگىستىك القاپتاردى ارالاپ كوردى - فوتو

كوكشەتاۋ. قازاقپارات - اقمولا وبلىسىنىڭ اكىمى سەرگەي كۋلاگين جۇمىس ساپارىمەن زەرەندى اۋدانىندا بولىپ، شارۋالاردىڭ ەگىستىك القاپتارىن ارالاپ كوردى، سونداي- اق، الەۋمەتتىك، ءوندىرىس، قۇرىلىس جانە اۋىل شارۋاشىلىعى سالاسىنداعى اتقارىلىپ جاتقان جۇمىستاردى پىسىقتاپ، الداعى مىندەتتەردى بەلگىلەدى.

ايماق باسشىسى الدىمەن «حيميك» ج ش س- نىڭ ەگىستىك القابىندا بولىپ، استىقتىڭ شىعىمىن بايقاپ كوردى. سونداي- اق، جەرگىلىكتى اۋىل شارۋاشىلىعى تاۋارلارىن وندىرۋشىلەرمەن كەزدەسىپ، ديقان قاۋىمىن تولعاندىرعان ساۋالدارىنا قۇلاق ءتۇردى.

«بيىلعى جىلى ەگىننىڭ شىعىمى جامان ەمەس. الداعى كۇندەرى اۋا رايى قولايلىق تانىتسا قوڭىر كۇزدە مول ءونىم الۋعا بولادى. ول ءۇشىن دالاداعى استىقتى كۇتىپ باپتاۋ شارالارىن وسى باستان ءتيىستى دەڭگەيدە جۇرگىزۋ قاجەت»، دەدى ايماق باسشىسى.

 ودان ءارى وبلىس اكىمى «زەرەندى استىق قابىلداۋ پۋنكتى» جاۋاپكەرشىلىگى شەكتەۋلى سەرىكتەگىنىڭ جۇمىسىنا دا نازار اۋداردى. كاسىپورىن باسشىسى ازامات جاراحمەتوۆتىڭ ايتۋىنا قاراعاندا، وسىدان ون شاقتى جىل بۇرىن قۇرىلعان كاسىپورىندا وسى كۇنى ساعاتىنا 200 توننا بيداي تازارتىلىپ، كەپتىرىلۋدە. كاسىپورىننىڭ 6 بىرلىك تەحنيكاسى مەن سىيىمدىلىعى 28 مىڭ توننا سەگىز استىق قويماسى بار. ونىڭ ىشىندە 1460 تونناعا ارنالعان كانادالىق «تۆيستەر» فيرماسىنىڭ تەحنولوگيالىق قوندىرعىسىمەن جابدىقتالعان ون قويما بار ەكەنىن ايتا كەتكەن ءجون.

وعان قوسا 2011 - جىلى «ۇدەمەلى يندۋستريالدى يننوۆاتسيالىق دامۋ» باعدارلاماسى شەڭبەرىندە قۇنى 233,9 ميلليون تەڭگەگە كولەمى 14,6 مىڭ توننا استىقتى كەپتىرىپ، ساقتايتىن جەلىسى بار استىق قويماسى سالىندى. وسىنىڭ ارقاسىندا تۇراقتى جاڭا 20 جۇمىس ورنى اشىلدى.

كاسىپورىن جۇمىسىنا وڭ باعاسىن بەرگەن ايماق باسشىسى استىقتى اۋداننىڭ كۇزگى جيىن- تەرىمگە دايىن بولۋىن اتاپ ءوتتى.

وسى كۇنى ايدابول سپيرت زاۋىتى دا نازارادا تىس قالعان جوق. بۇگىنگى تاڭدا زاۋىتتا «ەسكترا»، «ليۋكس» كلاستى ەتيلل ءسپيرتى وندىرىلەدى. كاسىپورىن باسشىسى ءالمۇرات قالىبايەۆتىڭ سوزىنە قاراعاندا زاۋىتتىڭ تاۋلىگىنە 2 مىڭ دەكاليتر، جىلىنا 600 مىڭ دەكاليتر سپيرت وندىرۋگە جەتەدى. زاۋىتتا وتكەن جىلى 502,8 ميللليون تەڭگەنىڭ ءونىمى شىعارىلسا، بيىلعى جىلدىڭ العاشقى جارتىسىندا بۇل كورسەتكىش 412,3 ميلليون تەڭگەگە جەتىپ وتىر.

 سونىمەن قاتار، كاسىپورىنمەن بيزنەستىڭ الەۋمەتتىك سەرىكتەستىگى شەڭبەرىندە 2015 - جىلى قىس ايلارىندا ايدابول اۋىلىنىڭ جولدارىن قاردان تازارتىپ وتىرۋعا، سۋمەن قامتاماسىز ەتۋگە، وسىنداعى ورتا مەكتەپ پەن «قۋانىش» جانە «بالدىرعان» بالاباقشالارىن جىلۋمەن قامتاماسىز ماقساتىندا 12 ميلليون تەڭگەگە مەموراندۋمعا قول قويىلدى. كاسىپورىن بۇل باعىتتا وزىنە جۇكتەلەگەن مىندەتتەردى ويداعىداي ورىنداۋدا.