ا ق ش- تىڭ ىقپالداسۋىمەن تاراز وقۋ پوليگونىندا پوليتسەيلەرگە ارنالعان عيمارات سالىندى - فوتو

تاراز. قازاقپارات - جامبىل وبلىسىندا حالىق قاھارمانى پوليتسيا كاپيتانى عازيز بايتاسوۆ اتىنداعى وقۋ- جاتتىعۋ پوليگونى اۋماعىندا وقىتۋ جانە تۇرعىن ءۇي باعىتىنداعى جاڭا اكىمشىلىك عيمارات پايدا بولدى.

  بۇل تۋرالى جامبىل وبلىستىق ءى ءى د باسپا ءسوز قىزمەتىنەن حابارلادى.

 ونىڭ اشىلۋ سالتاناتىنا الماتىداعى ا ق ش باس كونسۋلى مارك مۋدي، سونىمەن قاتار ا ق ش اسكەري وكىلدەرى قاتىستى.

جامبىل وبلىستىق ىشكى ىستەر دەپارتامەنتى باسشىسىنىڭ ورىنباسارى قاسىم دوسانوۆ ءى ءى د ۇجىمىن 50 ادامعا شاقتالعان جاڭا عيماراتتىڭ اشىلۋىمەن قۇتتىقتاپ، جاعدايدىڭ جاقسارتىلۋى پوليتسەيلەردىڭ اسكەري دايىندىعىنىڭ ساپاسىن ارتتىراتىنىن اتاپ ءوتتى. سونداي- اق ول امەريكالىق ارىپتەستەردىڭ جوبانى جۇزەگە اسىرۋداعى ۇلەسىن اتاپ ءوتتى.

ا ق ش باس كونسۋلى مارك مۋدي بۇل اتالعان سالاداعى ىنتىماقتاستىقتىڭ العاشقى تاجىريبەسى ەكەنىن ايتىپ، پوليتسەيلەرگە جۇمىسىندا ساتتىلىك تىلەدى.

«عيمارات قۇرىلىسى وتكەن جىلى ا ق ش- تاعى سەرىكتەستەرىنىڭ ىقپالداسۋىمەن جامبىل وبلىستىق ءى ءى د، «پروفيل ل ت د» ج ش س جانە «Technology management company. inc» كومپانياسىمەن ءۇشجاقتى كەلىسىم نەگىزىندە باستالدى»، - دەدى ۆەدومستۆودا.

جاڭا عيمارات ەكى قاباتتى - 48 х 11,4 مەتر. ءبىرىنشى قاباتتا قىزمەتتىك كابينەتتەر، كەزەكشىلىك ءبولىم، قارۋ ساقتاۋعا ارنالعان بولمەلەر، كىر جۋاتىن ورىن، مەدپۋنكت، كونفەرەنتس- زال، 50 ورىندىق اسحانا، جۋىناتىن بولمەلەر ورنالاسقان. ەكىنشى قاباتتا 25 جاتاتىن بولمە بار.