ەكسپەديتسيا تايقازاننىڭ قاي جەردە قۇيىلعانىن ىزدەپ جاتىر - فوتو
بۇل تۇركىستان قالاسىنان سولتۇستىك- باتىسقا قاراي 25 ك م جەردە ورنالاسقان ورتاعاسىرلىق قالا ورنى.
مۇندا مۋزەي قىزمەتكەرلەرىمەن قاتارىندا تۇركىستان ارحەولوگيالىق ەكسپەديتسياسىنىڭ باسشىسى، بەلگىلى ارحەولوگ ە. سماعۇلوۆ تا بار. جەرگىلىكتى بيلىك وكىلدەرىمەن، اقساقالدار قاۋىمىمەن كەزدەسىپ، كەزىندە شامەت يشان مەشىت- مەدرەسەسى بولعان، قازىرگى تاڭداعى شامەت يشان مۋزەيىندە بولىپ ەكسپوزيتسيا جۇمىستارىمەن تانىستى.
بارشامىزعا بەلگىلى قوجا احمەت ياساۋي كەسەنەسىندە تۇرعان قاسيەتتى تايقازان 1399 ج. وسى قارناق اۋىلىندا جەتى اسىل مەتالدىڭ قوسپاسىنان قۇيىلعان. ەكسپەديتسيا جۇمىسىنىڭ نەگىزگى ماقساتى - تايقازاننىڭ ناقتى قاي جەردە قۇيىلعانىن انىقتاۋ. اۋىل اقساقالدارى اتا بابالارىنان جەتكەن وسيەتى بويىنشا قازاننىڭ قۇيىلعان جەرىن جوبالاپ كورسەتتى. سول جەردى مەكەندەپ وتىرعان يەسىنەن قازبا جۇمىستارىن جۇرگىزۋگە رۇقساتىن الىپ، كوپ ۇزاماي ارحەولوگ ماماندار قازبا جۇمىستارىن باستايتىن بولدى.
«ازىرەت سۇلتان» قورىق- مۋزەيىنىڭ ديرەكتورى ج. اۋباكىر ءساتى ءتۇسىپ قۇيىلعان جەر انىقتالىپ جاتسا، بۇل جەردە مۋزەي اشىپ، بۇل جەردى بولاشاقتا تۋريستىك مارشرۋتقا اينالدىرۋعا بولاتىندىعىن اتاپ ءوتتى.
