09:59, 25 - شىلدە 2016 | GMT +5
عالىمدار: ۇيقىسىزدىق ادامنىڭ ميىن السىرەتەدى
استانا. قازاقپارات - قىتاي عالىمدارى ۇيقىسىزدىقتىڭ ادام ميىنا اسەرىن زەرتتەپ بىلمەك بولدى. بەلگىلى بولعانداي، ۇيقىسىزدىق ادام ميىنا كەرى اسەرىن تيگىزەدى ەكەن.
عالىمدار جۇرگىزگەن زەرتتەۋگە 53 ەرىكتى قاتىستى. ولاردىڭ 30-ىندا ۇيقىمەن ەش قيىندىق بولماعان. ال قالعانى ءجيى ۇيقىسىزدىق دەرتىمەن اۋىرعان.
ماماندار ەكى توپتىڭ ادامدارىنا دا ماگنيتتى- رەزونانستى توموگرافيا جاساتتى. ۇيقىسىزدىققا شالدىققان ادامداردىڭ ميىنىڭ اق بولىگى از بولعانىن اڭعارعان.
قورىتىندىسىندا عالىمدار سەنىمدى بولۋ ءۇشىن زەرتتەۋگە قاتىسقان ادامداردان وزدەرىنىڭ پسيحولوگيالىق جاعدايلارىن باقىلاۋعا الۋدى سۇراعان. ماماندار زەرتتەۋ قورىتىندىسى بويىنشا مىناداي مالىمدەمە جاسادى: تۇندە دۇرىس دەمالماۋ ميداعى اق زاتتاردىڭ نورمادان از بولۋىنا، ميداعى نەيرونداردىڭ السىزدىگىنە الىپ كەلەدى، دەپ جازادى شەتەلدىك ب ا ق.
