باقىت سۇلتانوۆ قىتايداعى «جيىرمالىق توبى» قارجى مينيسترلەرىنىڭ كەزدەسۋىنە قاتىستى - فوتو
بۇل تۋرالى قارجى مينيسترلىگىنىڭ فەيسبۋكتەگى پاراقشاسىندا حابارلاندى.
اتالعان شاراعا قازاقستان تاراپىنان ق ر قارجى ءمينيسترى ب. ت. سۇلتانوۆ جانە ق ر ۇلتتىق بانك ءتوراعاسى د. ت. اقىشيەۆ قاتىستى.
وتىرىس كەزىندە قارجى ءمينيسترى ب. سۇلتانوۆ سالىق ماسەلەلەرى بويىنشا سيمپوزيۋمگە قاتىستى.
باقىت سۇلتانوۆ حالىقارالىق ۆاليۋتا قورىنىڭ ديرەكتورى كريستين لاگاردپەن ەكىجاقتى كەزدەسۋ وتكىزدى. سونىمەن قاتار تۇركيا مەن سينگاپۋردىڭ ۆيسە- پرەمەرلەرىمەن جانە قىتاي قارجى ءمينيسترى لوۋ تسزيۆەيمەن كەزدەسۋلەر ءوتتى. كەزدەسۋلەردە قازىرگى ەكونوميكالىق جاعداي، سونىمەن قاتار الەمدىك ەكونوميكانىڭ دامۋ الەۋەتى تالقىلاندى.
تاراپتار حالىقارالىق قارجى ساۋلەتىن رەفورمالاۋ، سالىق سالۋ جانە تەرروريزمدى قارجىلاندىرۋمەن كۇرەس سالالارىنداعى ىنتىماقتاستىق ماسەلەلەرىن كوتەردى.
G-20 قارجى مينيسترلەرى مەن «جيىرمالىق توبى» ەلدەرى ورتالىق بانكتەرى باسقارۋشىلارى كەزدەسۋىنىڭ قورىتىندىسى بويىنشا بيىل 4-5 - قىركۇيەكتە حاڭجوۋدا وتەتىن G20 ءسامميتىنىڭ قارجىلىق كۇن ءتارتىبىن دايىنداۋ جوسپارلانعان.
