ريودا قازاقستان سپورتشىلارىنان جارىستى ەڭ ءبىرىنشى كىمدەر باستايدى؟

استانا. قازاقپارات - ريو وليمپياداسىندا قازاقستاندىق سپورتشىلار جارىستى ەڭ ءبىرىنشى قاي سپورت تۇرىنەن باستايتىنى بەلگىلى بولدى.

وليمپيادانىڭ العاشقى كۇنى جەرگىلىكتى ۋاقىتپەن 08:30-دا (استانا ۋاقىتىمەن 17:30) اكادەميالىق ەسكەك ەسۋدەن ەرلەر مەن ايەلدەر اراسىندا جەكەلەي جارىستار باستالادى. وندا ءبىرىنشى بولىپ ەرلەردەن قازاقستاندىق ۆلاديسلاۆ ياكوۆليەۆ جارىس جولىنا شىقسا، ايەلدەر اراسىنان سۆەتالانا گەرمانوۆيچ جارىستى باستايدى.

ال وليمپيادا ويىندارىنىڭ ەڭ سوڭعى كۇنى فينالعا دەيىن سۇرىنبەي جەتەتىن بولسا، بوكسشىلارىمىز سوڭعى بولىپ اياقتايدى. 21- تامىز جەرگىلكتى ۋاقىتپەن 14 دە (استانا ۋاقىتمەن 23:00) بوكستان 52، 64، 75 جانە 91+ كەلى سالماقتاعى بوكسشىلار التىن جۇلدەگە تالاسۋى مۇمكىن.

ەسكە سالا كەتەيىك، بۇل سالماق دارەجەلەرىندە قازاق بوكسشىلارىنان ولجاس ءساتتىباي (52 كەلى)، ابىلايحان ءجۇسىپوۆ (64 كەلى)، جانىبەك ءالىمحان ۇلى (75 كەلى) جانە يۆان دىچكو (91+ كەلى) بار.

اۆتور: كۇنسۇلتان وتارباي