گەرمانيادا توعىزقۇمالاقتان ەۋروپا چەمپيوناتىن قاراعاندى وبلىسىنىڭ بۇرىنعى تۇرعىنى ۇيىمداستىرعان - فوتو
بۇل تۋرالى قاراعاندىلىق ازاماتشا سۆەتلانا دەمەنت حابارلادى.
«حالىقارالىق تۋرنيردىڭ ۇيىمداستىرۋشىسى - قاراعاندى وبلىسى جاڭاارقا اۋدانىنىڭ بۇرىنعى تۇرعىنى يۋريي نولد، توعىزقۇمالاق وينىنىڭ جاتتىقتىرۋشىسى. ول شەتەلدە قازاقتىڭ ۇلتتىق وينىن دامىتۋعا ءوز ۇلەسىن قوسۋدا. سول جاقتان پىكىرلەس ازاماتتاردى تاۋىپ الدى. ءيۋرييدىڭ جانۇياسىندا توعىزقۇمالاققا ىنتىزار تەك ول عانا ەمەس. ونىڭ قىزى يرينا توعىزقۇمالاقتان قازاقستان چەمپيونى جانە توعىزقۇمالاق بويىنشا سپورت شەبەرى اتاندى»، - دەيدى س. دەمەنت.
ونىڭ سوزىنە قاراعاندا، گەرمانيادا توعىزقۇمالاقتان بيىل جارىس ءۇشىنشى رەت وتۋدە. بيىل ونى قازاقستان تاراپى قارجىلاندىرىپ وتىر.
س. دەمەنت فەيسبۋكتەگى پاراقشاسىندا تۋرنيردىڭ جاڭالىقتارىمەن ءبولىستى. وعان ونىڭ گەرمانيادا تۇراتىن دوسى يرينا كراسنوۆا كومەكتەسۋدە.
ولاردىڭ اقپاراتتارى بويىنشا، جارىسقا گەرمانيا، فرانسيا، يسپانيا، گرەتسيا، شۆەيتساريا، سومالي، قازاقستان، رەسەي سىندى 13 ەلدەن 40 سپورتشى قاتىسۋدا.
«ءبىرىنشى كەزەڭدە ەرلەر مەن ايەلدەر جەكە-جەكە سىناسادى. ەڭ باستى ايقاس ءۇشىنشى ۇستەلدە ورىن الادى. يرا نولد، يۋريدىڭ قىزى جانە مەنىڭ نەمەرە ءسىڭىلىم، قازاقستان چەمپيونى ءارى سپورت شەبەرى. شۆەيتساريادان پروفەسسور كەلدى، مانكالا توبىنا جاتاتىن ويىندار ءۇشىن قاجەتتى تاقتايشالار الىپ كەلدى»، - دەدى چەمپيوناتتىڭ «باسپا ءسوز حاتشىسى» ي. كراسنوۆا.
«چەمپيوناتتىڭ العاشقى كۇنى نەمىستىڭ مانكالا تيپتەس ويىنى - Bohnenspiel-مەن اياقتالادى. ول توعىزقۇمالاققا قاراعاندا، ەداۋىر جەڭىل. وعان بارلىعى: قازاقستاندىق قاتىسۋشىلار سەكىلدى مىقتى گروسسمەيستەرلەر دە، يۋ. ءنولدتىڭ ءوزى، ءتىپتى ەندى ۇيرەنىپ جاتقاندار دا قاتىسا الادى. ايەلدەر ەرلەرمەن بىرگە تەڭ ويناي الادى»، - دەدى ول.
ەسكە سالا كەتسەك، 23-24- شىلدە كۇندەرى گەرمانيانىڭ شۆاينفۋرت قالاسىندا توعىزقۇمالاقتان ەۋروپا چەمپيوناتى وتۋدە. كەشە باستالعان ەۋروپا چەمپيوناتىنا قازاقستان، گەرمانيا، فران سيا، گرەكيا، شۆەيتساريا، يسپانيا، رەسەي، چەحيا مەن تاعى باسقا ون ەلدىڭ سپورتشىلارى قاتىسىپ جاتىر.
ەۋروپا چەمپيوناتىنىڭ اشىلۋىنا دۇنيەجۇزىلىك توعىزقۇمالاق فەدەراتسياسىنىڭ پرەزيدەنتى ءاليحان بايمەنوۆ پەن قازاقستان مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ، شۆاينفۋرت مەرى كارل حاينتس كاۋچوك قاتىستى.
