قازاقستاندا وليمپيادا ويىندارىنا ارنالعان پوشتا ماركالارى شىعارىلادى

استانا. قازاقپارات - قازاقستان رەسپۋبليكاسى ۇلتتىق وليمپيادالىق كوميتەتى مەن «قازپوشتا» ا ق «سپورت» سەرياسىنداعى ريو-دە-جانەيروداعى وليمپيادا ويىندارىنا ارنالعان پوشتا ماركالارىن شىعارۋ تۋرالى كەلىسىمگە قول قويدى.

بۇل تۋرالى ق ر ۇ و ك باسپا ءسوز قىزمەتى حابارلايدى.

قازىرگى تاڭدا دايىندىق جۇمىستارى ءجۇرىپ جاتىر. شىعارىلاتىن ماركالاردى رەسمي تانىستىرۋ وليمپيادا ويىندارىنان كەيىن جوسپارلانىپ وتىر. پوشتا ماركالارىندا وليمپيادا ويىندارىندا جۇلدەگەر اتانعان سپورتشىلاردىڭ بەينەلەرى، ق ر ۇ و ك سيمۆوليكاسى مەن وليمپيادا ويىندارىنىڭ «Rio 2016»  اتتى جازۋى بولادى.

«وليمپيادا ويىندارىنا ارنالعان پوشتا ماركالارىن شىعارۋ تەك سپورتشىلار مەن ق ر ۇ و ك ءۇشىن ماڭىزدى ەمەس، سونداي-اق، قازاقستاندىقتارعا دا قاجەت»، - دەيدى ق ر ۇ و ك وكىلدەرى.

ەستەرىڭىزگە سالا كەتەيىك، ريو-دە-جانەيروداعى ХХХI جازعى وليمپيادا ويىندارى تامىزدىڭ 5 مەن 21 ارالىعىندا وتەدى. بايراقتى باسەكەدە ەل نامىسىن 100 دەن اسا سپورتشى قورعايدى.

اۆتور: كۇنسۇلتان وتارباي