ميۋنحەن پوليتسياسى: قازا تاپقاندار اراسىندا تۋريستەر جوق

استانا. قازاقپارات - ميۋنحەندەگى ساۋدا ۇيىندە بولعان شابۋىل قۇرباندارى اراسىندا شەتەلدىك تۋريستەر جوق.

قازا تاپقانداردىڭ بارلىعى دەرلىك قالا تۇرعىندارى جانە كوپشىلىگى جاستار. بۇل جونىندە سەنبى كۇنى باسپا ءسوز كونفەرەنتسياسىندا حۋبەرتۋس اندرە مالىمدەدى، دەپ حابارلادى ر ي ا نوۆوستي.

«ءبىزدىڭ مالىمەت بويىنشا، بارلىق قۇربان ميۋنحەن مەن ونىڭ توڭىرەگىندەگى مەكەندەردىڭ تۇرعىندارى، ياعني ەشقانداي شەتەلدىك جانە تۋريستەر جوق»، - دەدى ول جۋرناليستەرگە.

پوليتسيا باسشىسى مەرت بولعانداردىڭ بىرەۋى - 45 جاستا، ەكەۋى - 15 جاستا، ۇشەۋى - 14 جاستا جانە قالعانى 17,19,20 جاستا بولعانىن ايتتى. شابۋىل جاساۋشىنىڭ ءوزى 18 جاستا بولعان.

جۇما كۇنى كەشكى ۋاقىتتا ميۋنحەننىڭ ءىرى ساۋدا ورتالىعى ماڭىنداعى شابۋىلدان جانكەشتىنى قوسقاندا، ون ادام قازا تاپتى. تاعى 27 ادام جارالاندى، ونىڭ ىشىندە 10 ادام اۋىر حالدە جاتىر، اراسىندا 13 جاستاعى جاسوسىپرىم بار.