ب ا ق ميۋنحەندەگى قارۋلى شابۋىلدىڭ سەبەبىن انىقتادى

استانا. قازاقپارات - ميۋنحەندەگى «وليمپيا» ءىرى ساۋدا ورتالىعى ماڭىندا ادامدارعا قارۋلى شابۋىل جاساعان جىگىت ونى مەكتەپ كەزىندە مازاق قىلعان سىنىپتاستارىنان ءوش الماق بولعان، دەپ جازادى لەنتا. رۋ.

Daily Mail حابارلاعانداي، ينتەرنەتكە بەلگىسىز ادام شابۋىل جاساعان جىگىتتى بۇرىننان بىلەتىندىگىن ايتىپ حابارلاما قالدىرعان.

«مەن ول جىگىتتى تانيمىن. ونىڭ ەسىمى - ءالي سونبولي. ول ءبىزدىڭ سىنىپتا وقيتىن، ءبىز ىلعي دا ونى مازاق ەتەتىنبىز. ول ءبىزدى ءبىر كۇندەرى ولتىرەتىنىن ايتىپ جۇرەتىن»، - دەپ جازبانى كەلتىرەدى باسىلىم.

سەنبى كۇنى گەرمانيالىق Bildо باسىلىمى اتىس ۇيىمداستىرعان جىگىتتىڭ سۋرەتىن جاريالادى. بەلگىلى بولعانداي، ونىڭ ەسىمى داۆيد سونبولي، يران تۋماسى، جاسى 18 دە. سونداي-اق باسىلىم ول ءوش الماق بولعان دەپ حابارلاعان.

ەسكە سالا كەتەيىك، 22- شىلدە كۇنى كەشكى ۋاقىتتا ميۋنحەندەگى «وليمپيا» ساۋدا ءۇيى ماڭىندا بەلگىسىز بىرەۋ وق جاۋدىرىپ، 10 ادام قازا تاپتى. ونىڭ ىشىندە اتىستى ۇيىمداستىرعان جىگىت تە بار.

سوڭعى مالىمەت بويىنشا، 27 ادام جاراقات العان، ونىڭ ونى اۋىر حالدە جاتىر.