كەرەك كەڭەس: اپتاپ ىستىقتى قالاي وتكىزۋگە بولادى؟

استانا. قازاقپارات - جاز مەزگىلىنىڭ ىستىق كۇندەرى سۋدىڭ جاعاسىندا دەمالعانعا ەشتەڭە جەتپەيدى.

ۇيگە سالقىنداتقىش (كونديتسيونەر) ورناتساق، سۋىق تيگىزىپ الۋ قاۋپى بار. ولاي بولسا، سالقىنداتقىشتىڭ كومەگىنسىز ىستىقتان قالاي قورعانامىز؟

قولىڭىزدى سالقىنداتىڭىز

سۋىق سۋى بار ەكى شاعىن بوتەلكە، مۇزى بار پاكەت نەمەسە ىلعال سۇلگى الىڭىز. ونى شىنتاقتىڭ بۇگىلگەن جەرىنە، مويىنعا جانە تىزەگە قويىڭىز. سەبەبى، وسى جەرلەردە قان تەرىگە جاقىنىراق وتەدى. ناتيجەسىندە جەڭىلدىك سەزىنەسىز.

سالقىن دۋش قابىلداڭىز

سالقىن دۋشتى كۇنىنە بىرنەشە رەت بولسا دا قابىلداۋعا بولادى. سالقىن دۋشتان سوڭ ەداۋىر جەڭىلدەپ، كوڭىل كۇيىڭىز دە كوتەرىلىپ قالادى.

ىستىق كۇندەرى تەرەزەنى جابىڭىز

ادامداردىڭ كوپشىلىگى ىستىق كۇندەرى تەرەزەلەرىن اشىپ قويادى. ىستىق كۇنى اشىق تەرەزەدەن سۋىق ەمەس ىستىق جەل كىرەتىنىن ۇمىتپاڭىز. ەگەر جەلدەتكىڭىز كەلسە، ونى تۇنگى ۋاقىتتا عانا اشقان ءجون. ال كۇندىز تەرەزەلەردى جاۋىپ، بولمەنى قاراڭعىلاپ، پەردەنى نەمەسە ءجاليۋزدى دە جاۋىپ قويىڭىز.

بولمەنى جەلدەتىڭىز

ەگەر ىستىق كۇندەرى تەرەزەنى جاپساڭىز، ۇيدەگى اۋا تىم تىمىرسىق بولسا، وندا ءۇيدى جەلدەتىڭىز. ول ءۇشىن تەرەزەنى اشىپ، قاراما قارسى سىرتقى ەسىكتى دە اشىڭىز. مۇنداي وتپە جەلدەن سۋىق تيمەيدى.

سالقىن تاعامدار جەڭىز

توڭازىتقىشتا تۇرعان كوك سورپا (وكروشكا)، بالمۇزداق جانە جەمىستەر مەن كوكونىستەردى قولدانىڭىز. تاماقتى جىلىتۋ كەزىندە وتتى قوسپاي ميكروتولقىندى پەشتە ىسىتقان ءجون. سەبەبى وتتى قوسساڭىز، بولمەدەگى تەمپەراتۋرانى جىلدام ىسىتىپ جىبەرەدى.

س دارۋمەنىن ءىشىڭىز

ەگەر س دارۋمەنىنىڭ تابلەتكا ءتۇرىن قولدانساڭىز، ونىڭ سىرتىنداعى نۇسقامادا سالماعىڭىزعا قاراي كۇنىنە قانشا ءىشۋ كەرەكتىگى جازىلادى. ول قانداعى وتتەك الماسۋىن ىسكە قوسىپ، ىستىقتى جەڭىل كوتەرۋگە كومەكتەسەدى. س دارۋمەنى تسيترۋستى جەمىستەردە دە كوپ كەزدەسەتىنىن ۇمىتپاڭىز.

ەلەكتر قۇرالدارىن ءوشىرىڭىز

زاماناۋي قۇرالداردىڭ (تەلەديدار، كومپيۋتەر، نوۋتبۋك جانە ت. ب) كوپشىلىگى ءسونىپ تۇرعان كەزدە دە قىزادى. سوندىقتان، ەگەر ولاردى سول ۋاقىتتا قولدانباساڭىز، جاي ءسوندىرىپ قانا قويماي، توقتان سۋىرىپ تاستاڭىز.

 massaget.kz پورتالىنان الىندى.