ايگىلى بوكسشى قانات يسلام «نامىس» وردەنىمەن ماراپاتتالدى

استانا. قازاقپارات - الماتى قالاسىندا ەل تاۋەلسىزدىگىنىڭ 25 جىلعىنا وراي "تاۋەلسىزدىك تۇراعىم، ۇلى دالا ۇرانىم" اتتى دوڭگەلەك ۇستەل ءوتىپ، قانات يسلام ماراپاتتالدى. بۇل تۋرالى Abai.kz پورتالى جازادى.

اتالعان ءىس- شارا بارىسىندا قازاقستاننىڭ ارداگەرلەر ۇيىمى مەن "نۇر وتان" پارتياسى وكىلدەرى كاسىپقوي بوكسشى قانات يسلامدى باۋىرجان مومىش ۇلى اتىنداعى "نامىس" مەدالىمەن ماراپاتتادى.

الماتى قالاسىندا وتكەن جيىنعا بوكسشىنىڭ ءوزى كەلىپ قاتىسا المادى. الەم جۇرتشىلىعىنىڭ الدىندا ۇلتىمىزدىڭ نامىسىن ابىرويمەن قورعاپ جۇرگەن بوكسشىمىز دايىندىق جاتتىعۋلارىنا بايلانىستى كەلە الماپتى.

ەسكە سالا كەتەيىك، قانات يسلام قازاقستان قۇراماسى بوكسشىلارىنىڭ وليمپياداعا دايىندالۋىنا كومەكتەسۋدە.