ميۋنحەندەگى اتقىش بەينەجازباعا ءتۇسىپ قالدى - كەسكىن

استانا. قازاقپارات - ميۋنحەندەگى ساۋدا ورتالىعىنداعى اتىس كۋاگەرى شابۋىلداۋشىلاردىڭ ءبىرىن بەينەجازباعا ءتۇسىرىپ الدى.

بەينەجازبادان بويى 1 مەتر 90 سانتيمەتر بولاتىن جاس اقشىل ەر ادام ساۋدا ورتالىعىنان شىعىپ، ۇرەيلەنگەن ادامداردى اتا باستاعان. كۋاگەرلەر «وليمپيا» ساۋدا ورتالىعىندا وق اتقاندار ءۇش ادام ەكەنىن حابارلايدى.

ميۋنحەن پوليتسياسى قالاداعى اتىس سالدارىنان التى ادامنىڭ قازاعا ۇشىراعانىن راستادى، دەپ حابارلادى ر ي ا نوۆوستي.

ونىڭ ايتۋىنشا، وق جاۋدىرعاندار ءۇش ادام بولعان جانە قىلمىس ورنىنان ءىز جاسىرعان. «ولار ءالى دە قالادا ءجۇر دەگەن ويدامىز»، - دەپ ونىڭ ءسوزىن كەلتىرگەن CNN تەلەارناسى.

ول بيلىك بولعان وقيعانى «لاڭكەستىك اكتى» دەپ سانايتىنىن ايتتى.

ەسكە سالا كەتەيىك، ميۋنحەندەگى «وليمپيا» ساۋدا ورتالىعىندا، كارلسپلاتتس الاڭىندا جانە مەترو ستانساسى جانىندا وق جاۋدىرىلعان. ءارتۇرلى مالىمەتتەر بويىنشا، ۇشتەن ون بەسكە دەيىن ادام توتەنشە وقيعانىڭ قۇربانى بولعان. پوليتسيا ارنايى وپەراتسيا جۇرگىزۋدە، قالادا توتەنشە جاعداي جاريالاندى. قىلمىسكەرلەردىڭ تۇرعىلىقتى جەرى جانە ولاردىڭ ءدال سانى ازىرگە انىقتالعان جوق.