ميۋنحەننىڭ ورتالىعىندا اتىس بولدى، قۇرباندار بار

استانا. قازاقپارات - گەرمانياداعى ميۋنحەننىڭ ساۋدا ورتالىعىندا اتىستار ەستىلۋدە، دەپ حابارلادى رەيتەر اگەنتتىگى جەرگىلىكتى پوليتسياعا سىلتەمە جاساپ.

Abendzeitung Muenchen باسىلىمىنىڭ مالىمەتتەرىنە قاراعاندا، وقيعا سالدارىنان كەمىندە 15 ادام قازاعا ۇشىراعان. وق اتقان ادامدار تۋرالى مالىمەتتەر كەلتىرىلمەگەن.

فرانس پرەسس اگەنتتىگىنىڭ حابارلاۋىنشا، ءبىر ادام مەرت بولىپ، تاعى ون ادام جارالانعان.

ميۋنحەن پوليتسياسىنىڭ مالىمدەۋىنشە، وق اتقان ادام ءالى دە عيماراتتىڭ ىشىندە. قۇقىق قورعاۋشىلار تۇرعىنداردىڭ بۇل اۋداننان اۋلاققا كەتۋىن ءوتىندى. قالادا بىرنەشە جولباعىت بويىنشا مەترو قوزعالىسى توقتاتىلعان، دەپ حابارلادى ريا نوۆوستي.

ب ا ق كۋاگەرلەرگە سىلتەمە جاساپ، وق جاۋدىرعان ادام جالعىز بولعانىن، ونىڭ قاشىپ كەتكەنىن حابارلاۋدا. وقيعا ورنىنا پوليتسەيلىك ارنايى قىزمەت وكىلدەرى كەلدى.