قازاقستاندىق كومپوزيتور ە. شاكەيەۆ ۇلىن ۇستاپ وتىرعاندار بار بولسا بوساتۋىن سۇرادى

الماتى. قازاقپارات - قازاقستاندىق كومپوزيتور ەركەش شاكەيەۆ الماتىدا التىنشى كۇن ىزدەپ جۇرگەن بالاسىنىڭ جوعالۋىنا بايلانىستى مالىمدەمە جاسادى.

«ءومىرىمدى ونەر مەن ادامدارعا قىزمەت ەتۋگە ارنادىم. وكىنىشكە قاراي، قيىن جاعدايعا تاپ بولدىق. اكە رەتىندە ۇلىم سافاردى ۇستاپ وتىرعانداردار بولسا بوساتۋىن نەمەسە ونىڭ قايدا ەكەنىن بىلەتىندەردەن ايتۋىن سۇرايمىن. بۇل تۇلعالاردى جاۋاپكەرشىلىككە تارتپاۋى ءۇشىن قولىمنان كەلگەنىن جاساۋعا ۋادە ەتەمىن. تۇسىنىستىك تانىتاسىزدار دەپ ۇمىتتەنەمىن»، - دەدى ەركەش شاكەيەۆ.

قازىر جوعالعان جىگىتتىڭ تۋىستارى مەن جاقىندارى سافاردى سوڭعى رەت كورگەن جەردەگى بەينە باقىلاۋ كامەرالارى مەن ۆيدەورەگيستراتورلارعا ءۇمىت ارتىپ وتىر. بۇل رەميزوۆكا باعىتىنا قاراي ءال-فارابيدەن جوعارى سەيفۋللين كوشەسىنىڭ ماڭى.

جۋىردا الماتىلىقتى ىزدەپ جۇرگەن شتاب ەندى ونى شاڭعى ترامپلينى اۋماعىنان ىزدەيتىنى بەلگىلى بولدى.

سونىمەن قاتار جىگىتتى ىزدەۋگە ق ر ءى ءى م ت ج ك رەسپۋبليكالىق جەدەل قۇتقارۋ جاساعىنىڭ مۇشەلەرى قوسىلدى. ولار ۆەسنوۆكا وزەنى - ۋچاسكەسىن شيەۆچەنكو كوشەسىنەن رايىمبەك داڭعىلىنا دەيىنگى اۋماقتى شولىپ شىقتى. سونىمەن قاتار، سافاردى قالانىڭ قۇتقارۋ قىزمەتى ىزدەۋدە، 100 دەن استام پوليتسەي مەن ەرىكتى تارتىلدى.

ەسكە سالا كەتەيىك، 1991 -جىلى تۋعان سافار شاكەيەۆتىڭ جوعالعانى تۋرالى حابار مەدەۋ اۋداندىق ءى ءى ب- نا 16 -شىلدەدە شامامەن ساعات 22:00 ءتۇستى. ونى 110 پوليتسەي مەن 60 ەرىكتى ىزدەدى.

اتاپ وتەيىك، بەلگىلى قازاقستاندىق كومپوزيتور ۇلىنىڭ قاي جەردە ەكەنىن ايتقان ادامعا 10 ميلليون تەڭگە بەرەتىنىن ايتقان.