ەندى استانادا ازىق-تۇلىك جارمەڭكەسى كۇندە وتەدى

استانا. قازاقپارات - بۇرىن سەنبى-جەكسەنبى كۇندەرى عانا وتەتىن استاناداعى اۋىل شارۋاشىلىعى ونىمدەرىنىڭ جارمەڭكەسى ەندى كۇن سايىن وتەدى.

بۇل تۋرالى بۇگىن ورتالىق كوممۋنيكاتسيالار قىزمەتىنىڭ بريفينگىسىندە استانا قالاسى اكىمىنىڭ ورىنباسارى اندرەي لۋكين ءمالىم ەتتى.

«الەۋمەتتىك ماڭىزدى ازىق- تۇلىكتىڭ باعاسى قىمباتتاعان سوڭ، اكىمدىك ءبىرقاتار شارالاردى قولعا الىپ وتىر. بىرىنشىدەن، قالا اكىمى تاپسىرما بەرىپ، قالادا وتەتىن اپتا سايىنعى اۋىل شارۋاشىلىعى ونىمدەرىنىڭ جارمەڭكەسى ەندى كۇن سايىن وتەتىن بولدى»، - دەپ حابارلادى ول.

اكىم ورىنباسارى حابارلاعانداي، وسىعان دەيىن استانادا 39 جارمەڭكە وتكەن، ول جارمەڭكەلەردە 336 توننا ءونىم نارىقتاعى باعادان 10-15 پايىزعا ارزان ساتىلعان ەكەن. «ەكىنشىدەن، جارمەڭكەلەر وتەتىن ورىنداردى كوبەيتتىك. ەندى استانانىڭ التى اۋدانىندا جارمەڭكە وتكىزۋ ءۇشىن ورىندار بەلگىلەندى»، - دەپ حابارلادى ا. لۋكين.

 سونداي-اق، استاناعا وڭىرلەردەن تاۋار جەتكىزۋشىلەردىڭ كەستەسىن بەلگىلەنىپ وتىر. قازىر قازاقستاننىڭ سەگىز وڭىرىنەن استاناعا ازىق- تۇلىك تاۋارلارى تىكەلەي كەلەدى دەگەن كەلىسىمگە قول جەتكەن.

ەستەرىڭىزگە سالا كەتەيىك، ەلوردا اكىمى اسەت يسەكەشەۆتىڭ تاپسىرماسى بويىنشا، استانا اكىمدىگىنىڭ جانىنا ازىق- تۇىلىك باعاسىن تۇراقتاندىرۋ ءۇشىن جەدەل شتاب قۇرىلعان. شتابتى قالا اكىمىنىڭ ورىنباسارى اندرەي لۋكين باسقارادى.

اۆتور: كەنجەكەي توقتامۇرات قىزى