استانادا قانت، ۇن جانە جارما ونىمدەرىنە باعا ارزانداتىلادى

استانا. قازاقپارات - استانا قالاسىنىڭ اكىمدىگى قانت، ۇن جانە جارما ونىمدەرىن جەتكىزەتىن كومپانيالار باعانى ارزانداتۋ تۋرالى كەلىسىمگە كەلدى.

«قازىر ءبىز استانا قالاسىنىڭ اكىمدىگىمەن ءوزارا كەلىسىمگە كەلدىك. الداعى ۋاقىتتا قانت باعاسىن التى تەڭگەگە ارزانداتامىز. جاڭا باعانى ەگىن جيناۋ ناۋقانى اياقتالعانعا دەيىن ۇستاپ تۇرامىز. دەگەنمەن، باعا تاعى ءبىر اي قۇبىلىپ تۇرادى»، - دەدى ورتالىق كوممۋنيكاتسيالار قىزمەتىنىڭ بريفينگىسىنە قاتىسقان «مير كرۋپ» كومپانياسىنىڭ ديرەكتورى مۇحامەديار ساۋداگەروۆ.

«استىق لوگيستيكا» كومپانياسى دا قالا اكىمدىگىمەن كەلىسىمگە كەلىپ، ۇن باعاسىن تۇراقتاندىرعان. ال، «ساپا نان» كومپانياسىنىڭ ديرەكتورى ۆلاديمير ساۆينوۆ جۋىق ارادا نان باعاسى دا ارزاندايتىنىن ايتتى.

«باعانى تۇراقتاندىرۋ بويىنشا جۇمىس ىستەپ، قازىر نان جەتكىزەتىندەرمەن كەلىسىمگە كەلدىك، ەندى نان باعاسى قىمباتتامايدى. الداعى ۋاقىتتا مەموراندۋمعا قول قويىپ، زاۋىتتان شىعاتىن باعانى 70 تەڭگە كولەمىندە ساقتايمىز»، - دەدى ول.

اۆتور: كەنجەكەي توقتامۇرات قىزى