استانا اكىمى مەن ۇلتتىق ەكونوميكا ءمينيسترى ەلوردانىڭ ءبىرقاتار ساۋدا نىساندارىن ارالادى
ازىق- تۇلىك نارىعىندا باعا قالىپتاستىرۋ ماسەلەسى قالا اكىمىنىڭ جەكە باقىلاۋىندا، دەپ حابارلايدى ەلوردانىڭ رەسمي سايتى.
قۋاندىق بيشىمبايەۆ پەن اسەت يسەكەشەۆ «شانحاي» (كوك بازار) جانە «شارىن» بازارلارىندا، «شاپاعات» كوممۋنالدىق بازارىندا جانە «ماگنۋم» ساۋدا ورتالىعىندا بولدى.
ساپار بارىسىندا قالا باسشىسى الەۋمەتتىك ماڭىزدى ونىمدەردىڭ باعاسىن ۇستاپ قالۋ ماسەلەسى ۇدايى ەلوردا اكىمدىگىنىڭ نازارىندا بولاتىنىن اتاپ ءوتتى.
- بارلىق بازارلارداعى باعالارعا تۇراقتى مونيتورينگ جۇرگىزەتىن بولامىز، سونداي-اق قالا اۋماعىندا كۇن سايىن جارمەڭكەلەر وتكىزىلەدى. ازىق- تۇلىكتەر كولىكتەردەن ساتىلادى. كوكونىس، جەمىس- جيدەكتەر، جارمالار جانە ت. ب. ساتۋ ءۇشىن كولىكتەرگە كۇندە «جاسىل ءدالىز» اشىلادى. قانت، نان، ۇنعا كەلسەك، بۇل ماسەلە مونوپولياعا قارسى قىزمەتپەن بىرگە زەرتتەلەدى، ونى باقىلاۋعا الامىز، - دەدى اسەت يسەكەشەۆ.
قالا باسشىسىنىڭ ايتۋىنشا، قازاقستاننىڭ وڭىرلەرىمەن اۋىل شارۋاشىلىق ونىمدەرىن ەلورداعا جەتكىزۋ بويىنشا ۋاعدالاستىققا قول جەتكىزىلدى. باعالاردى ۇستاپ قالۋ بويىنشا قابىلدانعان شارالاردىڭ العاشقى ناتيجەلەرى جاقىن كۇندەرى بەلگىلى بولادى، - دەيدى ءا. يسەكەشەۆ.
ق ر ۇ ە م قۋاندىق بيشىمبايەۆ ءوز بازارلارىمىزدى قامتاماسىز ەتۋ كەرەك ەكەندىگىن اتاپ ءوتتى، ول ءۇشىن وندىرۋشىلەر مەن كوتەرمە دايىنداۋشىلاردى تارتىپ، ولارمەن قارىم- قاتىناستاردى رەتتەۋ كەرەك، بۇل ىشكى نارىقتى قامتاماسىز ەتۋگە جول اشادى.
- ۇكىمەتتە نارىقتى رەتتەۋگە مۇمكىندىك بەرەتىن شەكتى باعالار تەتىكتەرى بار. ول ءۇشىن باعانىڭ شەگىن بەلگىلەۋ كەرەك، ال جەرگىلىكتى ورگاندار بولشەك جانە كوتەرمە ساۋدا بازارلارىندا ونى قامتاماسىز ەتۋگە ءتيىس، - دەدى مينيستر.
ەسكە سالايىق، كەشە ەلوردا اكىمدىگىندە وتكەن كەڭەستە قالا باسشىسى الەۋمەتتىك ماڭىزدى تاۋارلاردىڭ، سونىڭ ىشىندە نان، جارما جانە قانتتىڭ باعاسىن ۇستاپ قالۋعا باعىتتالعان ءبىرقاتار ناقتى تاپسىرمالار بەردى. اتالعان ماسەلە بويىنشا قابىلدانعان شارالاردى ۇيلەستىرۋ ءۇشىن ەلوردا اكىمىنىڭ ورىنباسارى اندرەي لۋكيننىڭ جەتەكشىلىگىمەن جەدەل شتاب قۇرىلدى.
