الماتى اكىمى ايان عاليەۆتىڭ وتباسىنا پاتەر كىلتىن تابىس ەتتى - فوتو
سونىمەن قاتار، جاڭا پاتەردى جوندەپ، رەتكە كەلتىرۋ جۇمىستارى بويىنشا دا كومەك كورسەتىلەتىن بولادى.
«بۇل - ەلباسىنىڭ تىكەلەي تاپسىرماسى. سوندىقتان، سىزگە ەلباسىنىڭ اتىنان وسى كىلتتى تابىستايمىن. ءسىزدىڭ ۇلىڭىز - ناعىز باتىر. ول قانشاما ادامنىڭ ءومىرىن امان الىپ قالدى. ونىڭ ارتىندا بالالارى قالدى. ءبىز ولارعا قولدان كەلگەن كومەكتىڭ بارلىعىن جاسايمىز. جاڭا پاتەرگە كوشۋلەرىڭىز ءۇشىن ءبىر اي ىشىندە سول پاتەرگە بارلىق قاجەتتى جوندەۋ، جابدىقتاۋ جۇمىستارى جۇرگىزىلەتىن بولادى. بەكەم بولىڭىزدار!»، - دەدى اكىم.
سونىمەن قاتار، اكىم بۇل جاڭا اۋداندا جاڭا بالاباقشالار، مەكتەپتەر، ەمحانالار جانە ۋنيۆەرسيادادانىڭ جاڭا نىساندارى سالىنىپ جاتقاندىعىن ايتتى.
«ءبىزدىڭ وتباسىمىزدا قايعىلى جاعداي ورىن الدى. پرەزيدەنتىمىز جانە بۇكىل قازاقستان حالقى بىزگە وسىنداي اۋىر جاعدايدا قولداۋ كورسەتىپ جاتىر. بارلىقتارىڭىزعا كوپ-كوپ راحمەت! ەلىمىزدە تەك تىنىشتىق بولسىن، اسپانىمىز اشىق بولسىن. كۇيەۋىمنەن ايىرىلعانىم مەن ءۇشىن ورنى تولماس قازا. ءبىراق، مەن سوعان قاراماستان بارلىقتارىڭىزعا ريزاشىلىعىمدى بىلدىرەمىن. ەلىمىز امان بولسىن»، - دەدى ايان عاليەۆتىڭ ايەلى انار اسانوۆا.
عاليەۆتار وتباسى مەملەكەتتىك باعدارلاما بويىنشا سالىنعان جاڭا تۇرعىن ۇيگە العاشقىلاردىڭ ءبىرى بولىپ قونىستانادى. باسقا تۇرعىندار سوڭىنا قاراي، ق ر كونستيتۋتسيا كۇنى قارساڭىندا قونىستانادى.
«ەلباسىنا جانە قازاقستان حالقىنا كوپ راحمەت. بىزگە بارلىق ادامدار قايعىمىزعا ورتاقتاسىپ، بىزگە قولداۋ كورسەتىپ جاتىر. ءىنىم اياننىڭ ۇيىندەگى كەلىنىمە جاڭا پاتەردىڭ كىلتى تابىس ەتىلدى. وتە جاقسى ءۇي، بارلىعىمىزعا ۇنادى. اياننىڭ بالالارىنىڭ وسى ۇيدە باقىتتى ءومىر سۇرۋلەرىنە، ەلىنىڭ پاتريوتتارى بولاتىندارىنا تىلەكتەسپىن. اياننىڭ دا ارمانى سول ەدى عوي!»، - دەدى اياننىڭ اعاسى سايان عاليەۆ.
اۆتور: ايبوتا جاپپاربەرگەن
