قازگيدرومەت استاناداعى نوسەر جاڭبىرعا قاتىستى تۇسىنىكتەمە بەردى - كەسكىن، فوتو

استانا. قازاقپارات - قازگيدرومەت استاناداعى تۇنىمەن جاۋعان نوسەر جاۋىنعا قاتىستى تۇسىنىكتەمە بەردى.

«22 -شىلدە تۇنگى ۋاقىتتا استانادا 14 م م جاڭبىر جاۋدى. جالپى 1-22 -شىلدە ارالىعىندا ەلوردادا 49,3 م م جاڭبىر جاۋعان، قالىپتى دەڭگەي - 50 م م ەكەندىگىن ەسكەرەتىن بولساق، نورمادان اۋىتقۋ 99 پايىزدى قۇرادى. جاقىن كۇندەرى 23 -شىلدە تۇندە جانە 24 -شىلدە كۇندىز قىسقا مەرزىمدى جاڭبىر مەن نوسەر بولادى. كەيىن تەمپەراتۋرا بىرتىندەپ جوعارىلا باستايدى، تۇندە 13-15 گرادۋس، كۇندىز 23-28 گرادۋس جىلى»، - دەپ اتاپ ءوتتى «قازگيدرومەت» ر م ك قىسقا مەرزىمدى اۋا- رايى بولجامى باسقارماسىنىڭ باسشىسى ارداق قالمەنوۆا «قازاقپارات» تىلشىسىنە بەرگەن جاۋابىندا.

بۇنىڭ الدىندا «قازاقپارات» اگەنتتىگى حابارلاعانىنداي، استانادا نوسەرلەتىپ جاۋعان جاڭبىردان قالا كوشەلەرىن سۋ باسىپ، ادامدار مەن كولىكتەردىڭ قاتىناۋىنا ەداۋىر قيىندىقتار تۋعىزعان. سينوپتيكتەردىڭ مالىمدەۋىنشە، دەمالىس كۇندەرى قازاقستاننىڭ باسىم بولىگىندە اۋا- رايى جاۋىن- شاشىندى بولادى.

استانادا ورىنبور، قونايەۆ، رەسپۋبليكا، باۋىرجان مومىش ۇلى سياقتى ورتالىق كوشەلەردى سۋ باسقان.

«ورىنبور- قونايەۆ قيىلىسىندا 10 ءنومىرلى مارشرۋتتىڭ ىشىندەگى جولاۋشىلار جولداعى وقيعانى وزدەرىنىڭ سمارتفوندارىنا ءتۇسىرىپ العان. وندا اۆتوبۋستىڭ سۋ ۇستىمەن «ءجۇزىپ» وتكەنىن كورۋگە بولادى»، - دەيدى قالا تۇرعىندارىنىڭ ءبىرى.

فوتو: 2016 «قازاقپارات»

اۆتور: جاسۇلان جولدىبايەۆ