قازاقستاندا شۇبات شىعاراتىن كووپەراتيۆ قۇرىلادى

استانا. قازاقپارات - 2018-جىلى قازاقستاندا شۇبات، ەت، ءسۇت جانە بال وندىرەتىن كووپەراتيۆتەر قۇرىلماق.

بۇل تۋرالى بۇگىن ورتالىق كوممۋنيكاتسيالار قىزمەتىنىڭ بريفينگىسىنە قاتىسا وتىرىپ، «قازاگرو» ۇلتتىق باسقارۋشى حولدينگى» ا ق- نىڭ باسقارما ءتوراعاسى نۇرلىبەك مالەلوۆ ءمالىم ەتتى.

«قازاگرو» باسشىسىنىڭ ايتۋىنشا، قازاقستانداعى كووپەراتسيالاردىڭ جاقسى تاجىريبەسى اۋىل شارۋاشىلىعىنداعى وزگە سالالارعا وڭ ىقپالىن تيگىزىپ، ەندى ءسۇت، ەت، شۇبات وندىرەتىن كووپەراتيۆتەر قۇرىلماقشى.

«2018-جىلعا دەيىن ءسۇت، ەت، شۇبات، بال، جۇگەرى وندىرەتىن كووپەراتيۆتەر قۇرۋ جوسپارلانىپ وتىر. ولاردى اۋىل شارۋاشىلىعىنا قارجىلاي قولداۋ كورسەتۋ قورى قولدايدى»، - دەپ حابارلادى ن. مالەلوۆ.

اۆتور: كەنجەكەي توقتامۇرات قىزى